Pushpa 2 Ticket Booking : 'पुष्पा 2' चित्रपटाच्या तिकीटांवर 50% पर्यंत सूट! इथे करा झटपट बुकिंग

Pushpa 2 Ticket Booking : साऊथचे सुपरस्टार अल्लू अर्जुन आणि रश्मिका मंदाना यांच्या बहुप्रतिक्षित चित्रपट 'पुष्पा 2: द रूल' साठी अ‍ॅडव्हान्स बुकिंगला सुरुवात झाली आहे. हा चित्रपट प्रदर्शित होण्यापूर्वीच प्रेक्षकांमध्ये कमालीची उत्सुकता पाहायला मिळत आहे. दिल्ली, मुंबई, कोलकाता, बेंगळुरू, हैदराबाद यांसारख्या मोठ्या शहरांमध्ये हा चित्रपट बुकिंगच्या विक्रमांना गाठत आहे. विशेष म्हणजे, काही ठिकाणी तिकीटांचे दर 1,800 रुपयांपर्यंत आहेत, तर काही ठिकाणी तुम्हाला केवळ 100 रुपयांच्या आत तिकीट मिळण्याची संधी आहे.

जर तुम्हाला कमी किंमतीत तिकीट मिळवायचे असेल, तर विविध अ‍ॅप्स आणि ऑफर्सचा उपयोग करून तुम्ही चित्रपटाचा आनंद घेऊ शकता.

तिकीट बुकिंगसाठी खास ऑफर्स

1. बुक माय शो

बुक माय शो अ‍ॅप किंवा वेबसाइटवर तुम्ही 2D, 3D, IMAX यांसारख्या विविध फॉरमॅट्समध्ये तिकीट बुक करू शकता. शोच्या वेळेनुसार तिकीट दर वेगळे असतात. विशेष म्हणजे काही बँकांच्या क्रेडिट किंवा डेबिट कार्डद्वारे तिकीटांवर 50% पर्यंत सूट मिळते.

2. पेटीएम

पेटीएम अ‍ॅपद्वारे तुम्ही तुमच्या जवळच्या थिएटरमधील शो बुक करू शकता. विशेष प्रमोशन अंतर्गत, अ‍ॅक्सिस बँकेच्या माय झोन क्रेडिट कार्डने दोन तिकीट बुक केल्यास एक तिकीट मोफत मिळते.

3. पीव्हीआर सिनेमा

पीव्हीआर अ‍ॅप आणि वेबसाइटवर तुम्हाला परवडणाऱ्या किमतीत तिकीट मिळू शकते. दिल्ली आणि मुंबईतील अनेक सिंगल स्क्रीन थिएटरमध्ये तिकीट केवळ 100 रुपयांच्या आत मिळू शकते. उदाहरणार्थ, दिल्लीतील करोल बाग येथे तिकीट केवळ 70 रुपयांमध्ये उपलब्ध आहेत.

4. डिस्ट्रिक्ट अ‍ॅप

झोमॅटोशी संबंधित डिस्ट्रिक्ट अ‍ॅपवर चित्रपटाच्या तिकिटांवर खास डील्स उपलब्ध आहेत. ब्लिंकिटवर 999 रुपयांहून अधिकची खरेदी केल्यास तुम्हाला 200 रुपयांचा डिस्काउंट व्हाउचर मिळतो, ज्याचा वापर करून तुम्ही तिकीट कमी किमतीत बुक करू शकता.

चित्रपटाचा आनंद परवडणाऱ्या किमतीत

'पुष्पा 2: द रूल' हा चित्रपट केवळ मनोरंजनाचाच नव्हे तर तिकीटांच्या विविध ऑफर्समुळे चर्चेत आहे. कमी खर्चात तिकीट मिळवून अल्लू अर्जुनच्या दमदार अभिनयाचा आणि रश्मिका मंदानाच्या ग्लॅमरचा आनंद घ्या. चला तर मग, तुमच्या तिकीटांची बुकिंग आजच करा आणि 'पुष्पा 2' बघण्याचा आनंद घ्या.