Realme घेऊन येतेय जगातील सर्वात फास्ट चार्जिंग फोन, वाचा डिटेल्स

स्मार्टफोन निर्माता कंपनी Realme ने घोषणा केली आहे की कंपनी जगातील सर्वात वेगवान स्मार्टफोन चार्जिंग टेक्नोलॉजी घेऊन येत आहे. जी मोबाईल वर्ल्ड काँग्रेस (MWC) 2022 मध्ये सादर केले जाईल. Realme चा नवीन फास्ट चार्जिंग स्मार्टफोन हा 125W सपोर्टसह येईल. तसेच MWC 2022 मध्ये, कंपनी Snapdragon 8 Gen 1 चिपसेट सादर करू शकते. याशिवाय कंपनीने Realme GT 2 Pro स्मार्टफोन लॉन्च करण्याची घोषणा केली आहे.

14 मिनिटांपेक्षा कमी वेळेत होईल चार्ज

Realme ने दावा केला की, ही पहिली आहे ज्यांनी 125W फ्लॅश चार्जिंग टेक्नोलॉजी पहिल्यांदा लॉन्च केली आहे. यापूर्वी 120W फास्ट चार्जिंग टेक्नॉलॉजी कंपनीने सादर केली होती, त्यानुसारर Xiaomi ने 120W हायपर चार्जिंग फास्ट टेक्नॉलॉजी सादर केली होती. Xiaomi ने दावा केला आहे की, या तंत्रज्ञानाने स्मार्टफोन फक्त 14 मिनिटांत पूर्ण चार्ज होऊ शकतो. त्याचप्रमाणे विवो कंपनीनेही फास्ट चार्जिंग तंत्रज्ञान सादर केले आहे. अशा परिस्थितीत realme चा दावा येत्या काही दिवसांत खरा ठरू शकेल का ते पाहाता येणार आहे. जर असे झाले तर 14 मिनिटांपेक्षा कमी वेळात Realme स्मार्टफोन चार्ज होऊ शकतो. realme च्या अशा तंत्रज्ञानामुळे मोबाईल फोन चार्जिंगच्या जगात नवीन क्रांती होऊ शकते.

R&D वर होणार मोठी गुंतवणूक

कंपनी तिच्या गो प्रीमियम स्टॅटर्जी अंतर्गत संशोधन आणि विकास (R&D) संसाधनांवर 70 टक्के गुंतवणूक करेल. कंपनीचा असा विश्वास आहे की, सध्याच्या काळात फास्ट चार्जिंग हे एक महत्त्वाचे फीचर म्हणून उदयास आले आहे. कंपनीला विश्वास आहे की, नवीन चार्जिंग तंत्रज्ञान वापरकर्त्यांना अगदी कमी वेळेत स्मार्टफोन चार्जिंग करता येईल. Realme ने या आठवड्यात भारतात स्मार्टफोनच्या Narzo सीरीज लॉन्च करण्याची घोषणा केली. जी येत्या 24 फेब्रुवारीला भारतात लॉन्च होणार आहे