108MP कॅमेरासह रेडमीचे दोन नवीन स्मार्टफोन भारतात लॉंच, पाहा डिटेल्स

शाओमीने आज भारतात आपले दोन नवीन स्मार्टफोन - Redmi Note 11 Pro आणि Redmi Note Pro Plus 5G लॉन्च केले आहेत. कंपनीच्या या स्मार्टफोन्समध्ये 108-मेगापिक्सलचा प्राइमरी कॅमेरा आणि 67-वॉट फास्ट चार्जिंग देण्यात आले आहे. Redmi Note 11 Pro हा स्मार्टफोन 6GB + 128GB आणि 8GB + 128GB या दोन व्हेरियंट येतो, त्याची किंमत 17,999 रुपयांपासून सुरु होते.

Redmi Note 11 Pro + 5G बद्दल बोलायचे झाले तर कंपनीने हा फोन 6GB + 128GB, 8GB + 128GB आणि 8GB + 256GB अशा तीन व्हेरिएंटमध्ये सादर केला आहे. याची किंमत 20,999 रुपये पासून सुरु होते. Redmi Note 11 Pro ची विक्री 23 मार्च रोजी दुपारी 12 वाजल्यापासून सुरू होईल. त्याच वेळी, आपण 15 मार्च रोजी दुपारी 12 वाजल्यापासून Note 11 Pro + 5G खरेदी करता येणार आहे. कंपनी हे स्मार्टफोन Amazon India सोबत mi.com आणि Mi Home स्टोअर्सवर उपलब्ध करून देणार आहे.

Redmi Note 11 Pro + 5G चे फीचर्स आणि स्पेसिफिकेशन्स

फोनमध्ये कंपनी 120Hz च्या रिफ्रेश रेटसह 6.67-इंचाचा फुल एचडी + सुपर AMOLED डिस्प्ले देत आहे. डिस्प्ले 1200 nits च्या पीक ब्राइटनेस आणि 360Hz च्या टच सॅम्पलिंग रेटसह येतो. स्नॅपड्रॅगन 695 चिपसेट या फोनमध्ये 8 GB पर्यंत रॅम आणि 256 GB पर्यंत अंतर्गत स्टोरेज देण्यात आले आहे. फोन 3 GB पर्यंत डायनॅमिक रॅमला सपोर्ट करतो.

फोटोग्राफीसाठी फोनमध्ये एलईडी फ्लॅशसह ट्रिपल रियर कॅमेरा सेटअप आहे. यात 8 मेगापिक्सेल आणि 2 मेगापिक्सेल कॅमेरा आहे ज्याची प्रामरी लेन्स 108 मेगापिक्सेल आहे. सेल्फीसाठी फोनच्या पुढील बाजूस 16-मेगापिक्सलचा फ्रंट कॅमेरा आहे.

फोनला पॉवर देण्यासाठी यामध्ये 5000mAh ची बॅटरी देण्यात आली आहे. ही बॅटरी 67 डब्ल्यूच्या फास्ट चार्जिंगला सपोर्ट करते. 15 मिनिटांच्या चार्जिंगमध्ये ते पूर्ण दिवस टिकते असा कंपनीचा दावा आहे. OS बद्दल बोलायचे झाल्यास हा फोन MIUI 13 आउट-ऑफ-द-बॉक्स वर काम करतो.

Redmi Note 11 Pro चे फीचर्स आणि स्पेसिफिकेशन्स

कंपनी फोनमध्ये 6.67-इंचाचा सुपर AMOLED डिस्प्ले देत आहे. हा डिस्प्ले 120Hz च्या रीफ्रेश दर आणि 1200 nits च्या पीक ब्राइटनेससह येतो. डिस्प्ले प्रोटेक्शनसाठी कंपनी यामध्ये गोरिल्ला ग्लास 5 प्रोटेक्शन देखील देत आहे. 8 GB पर्यंत RAM सह येणारा, हा फोन MediaTek Helio G96 प्रोसेसरद्वारे समर्थित आहे.

कंपनी फोनमध्ये 3 GB डायनॅमिक रॅम फीचर देखील देत आहे. फोनच्या मागील बाजूस LED फ्लॅशसह चार कॅमेरे पाहायला मिळतील. यामध्ये 108-मेगापिक्सल प्रायमरी कॅमेरासह एक 8-मेगापिक्सल आणि 2-मेगापिक्सलचे दोन कॅमेरे देण्यात आले आहेत. फोनला 5000mAh बॅटरीचा पाठिंबा आहे, जो 67W फास्ट चार्जिंगला सपोर्ट मिळतो.