सॅमसंग गॅलक्सी Z Fold 4 अन् Flip 4 ची प्री-बुकिंग सुरू, जाणून घ्या सविस्तर

सॅमसंगच्या गॅलेक्सी झेड सीरिजच्या लॉन्चची तारीख कन्फर्म झाली आहे. सॅमसंग 10 ऑगस्ट रोजी आपली प्रीमियम फोन सीरीज लॉन्च करणार आहे. सॅमसंगचे फोल्डेबल फोन Samsung Galaxy Z Fold 4 आणि Samsung Galaxy Z Flip 4 या इव्हेंटमध्ये लॉन्च केले जातील. कंपनीने या फोनच्या प्री-बुकिंगबाबत अधिकृत घोषणाही केली आहे. तुम्ही हे फोन 31 जुलैपासून म्हणजे आजपासूनच प्री-बुक करू शकता. चला जाणून घेऊया या सॅमसंग प्री-बुकिंग ऑफर , इव्हेंट आणि या फोन्सबद्दल.

ऑफर काय आहे?

Samsung 10 ऑगस्ट रोजी आपले प्रीमियम फोन Samsung Galaxy Z Fold 4 आणि Samsung Galaxy Z Flip 4 लॉन्च करणार आहे. कंपनीचा लॉन्च इव्हेंट 10 ऑगस्ट रोजी संध्याकाळी 6:30 वाजता सुरू होईल. सॅमसंगमध्ये या फोनच्या प्री-बुकिंगची माहिती लाइव्ह करताना, 31 जुलैपासून सॅमसंगच्या अधिकृत वेबसाइटवरून 1,999 रुपयांच्या टोकन रकमेसह प्री-बुकिंग करता येईल. जर वापरकर्ते 1,999 रुपयांच्या टोकन रकमेसह प्री-बुक करतील त्यांना फोन खरेदी केल्यावर सॅमसंगकडून 5,000 रुपयांचे जास्तीचे बेनिफिट्स देखील देण्यात येणार आहेत.

Samsung Galaxy Z Fold 4 आणि Flip 4 चे संभाव्य स्पेसिफिकेशन्स

हा सॅमसंग फोन प्रीमियम डिझाइन आणि पावरफुल फीचर्ससह येणार आहे. हे फोन लेटेस्ट Qualcomm Snapdragon 8+ Gen 1 प्रोसेसरने सुसज्ज असू शकतात. मिळालेल्या माहितीनुसार, हे फोन मल्टिपल कलर व्हेरिएंटमध्ये लॉन्च केले जातील, यामध्ये इन-डिस्प्ले फ्रंट कॅमेरा देखील मिळू शकतो. तसेच सॅमसंग फोल्डिंग डिस्प्लेची फ्रेम देखील बदलू शकते. या फोनमध्ये सॅमसंग एस-पेन देखील सपोर्ट केला जाऊ शकतो अशी अपेक्षा आहे.