Simple One : लवकरच लॉन्च होणार नवी इलेक्ट्रिक स्कूटर; एका चार्जमध्ये चालेल 300 किमी

Simple One Electric Scooter Launch : इलेक्ट्रिक वाहनांची मागणी दिवसेंदिवस वाढत आहे आणि नवीन स्टार्टअप कंपन्या देखील ग्राहकांसाठी त्यांची इलेक्ट्रिक वाहने लाँच करत आहेत. बंगळुरूस्थित कंपनी सिंपल एनर्जीने अलीकडेच घोषणा केली आहे की कंपनी पुढील महिन्यात भारतीय बाजारात त्यांची नवीन इलेक्ट्रिक स्कूटर लॉन्च करेल.

सिंपल एनर्जीची ही आगामी इलेक्ट्रिक स्कूटर पुढील महिन्याच्या 23 तारखेला ग्राहकांसाठी लॉन्च केली जाईल. ही स्कूटर 23 मे 2023 रोजी बेंगळुरूमध्ये लॉन्च केली जाईल आणि या स्कूटरची डिलिव्हरी हळूहळू प्रत्येक विभागासाठी सुरू केली जाईल. पण बाईकची पहिली डिलिव्हरी मात्र बेंगळुरूमध्ये सुरू केली जाईल आणि येत्या काही महिन्यांत ही स्कूटर इतर शहरांमध्येही उपलब्ध होईल.

कंपनीचा दावा आहे की, सिंपल वन स्कूटर ही सर्वात वेगवान स्कूटर असेल आणि त्याच वेळी ती स्वस्त दरात आणली जाईल. इतकंच नाही तर स्कूटरमध्ये असलेली बॅटरी सुरक्षा मानके लक्षात घेऊन दिली जाणार असून या सेगमेंटमध्ये सुरक्षित बॅटरी असलेली ही स्कूटर असेल.

सिंपल वन इलेक्ट्रिक स्कूटरची ड्रायव्हिंग रेंज

या इलेक्ट्रिक स्कूटरमध्ये 4.8kWh ची लिथियम-आयन बॅटरी देण्यात आली आहे, ज्यासोबत असा दावा करण्यात आला आहे की एकदा बॅटरी पूर्ण चार्ज झाल्यावर ही स्कूटर 236 किलोमीटर चालेल. याशिवाय, स्वॅप करता येणाऱ्या बॅटरी पॅकसह स्कूटरची रेंज 300 किमी पर्यंत वाढविली जाऊ शकते. बॅटरी 8.5kW इलेक्ट्रिक मोटरसह जोडली जाईल जी 11bhp पॉवर आणि 72Nm टॉर्क जनरेट करेल.

हेही वाचा - Types of Vedas: वेदांचे प्रकार

काय खास असेल?

या स्कूटरमध्ये 4G कनेक्टिव्हिटीसह 7-इंच टचस्क्रीन इन्स्ट्रुमेंट क्लस्टर, कॉल्स आणि म्युझिकसाठी ब्लूटूथ कनेक्टिव्हिटी, मल्टिपल राइडिंग मोड्स, नेव्हिगेशन सिस्टीम यांसारखी वैशिष्ट्ये मिळणार आहेत. कलर ऑप्शनबद्दल बोलायचं झाल्यास, ही स्कूटर ग्रेस व्हाइट, ब्लू, ब्लॅक आणि रेड कलरमध्ये उपलब्ध असेल.