Electric Car: मस्कच्या Tesla चे धाबे दणाणार, Sony-Honda ने सादर केली भन्नाट फीचर्ससह येणारी कार | Sakal
sakal

बोलून बातमी शोधा

Afeela

Electric Car: मस्कच्या Tesla चे धाबे दणाणार, Sony-Honda ने सादर केली भन्नाट फीचर्ससह येणारी कार

Sony-Honda EV Brand: अनेक कंपन्या आता इलेक्ट्रिक कार लाँच करण्यावर भर देत आहेत. याच पार्श्वभूमीवर आता Sony आणि Honda या दोन कंपन्यांनी मिळून नवीन इलेक्ट्रिक कार ब्रँडची घोषणा केली आहे. कंझ्यूमर इलेक्ट्रॉनिक शो (CES) मध्ये या कंपन्यांनी Afeela या इलेक्ट्रिक कार ब्रँडची घोषणा केलीये. वर्ष २०२६ मध्ये कंपनीची कार उत्तर अमेरिकेत विक्रीसाठी उपलब्ध होईल.

नवीन ब्रँडबाबत अद्याप जास्त माहिती देण्यात आलेली नाही. सोनी होंडा मोबिलिटीचे सीईओ यासुहाइड मिजुना म्हणाले की, कार आर्टिफिशियल इंटेलिजेंस (AI) आणि सोनीच्या आधुनिक टेक्नोलॉजीसह येईल.

हेही वाचा: Smartphone Offer: अशी संधी पुन्हा नाही! फक्त ३० हजारांच्या बजेटमध्ये मिळतोय iPhone

Afeela ब्रँडच्या या इलेक्ट्रिक कारमध्ये कॅमेरा, रडार, अल्ट्रासोनिकसह ४० पेक्षा अधिक सेंसर मिळेल. हे सेंसर वाहनाच्या बाहेरील बाजूला असतील व यामुळे सेल्फ ड्राइव्हिंग दरम्यान मदत होईल.

सोनीने तीन वर्षांपूर्वी कंझ्यूमर इलेक्ट्रॉनिक शोमध्ये अशाच प्रकारच्या कॉन्सेप्ट कारला सादर केले होते. मात्र, ही एक सेडान कार आहे, ज्याच्या पुढील बाजूला एक लाइट बार, एक बंद ग्रिल आणि एक हाय-ग्लास ब्लॅक रुफ देण्यात आले आहे. ब्लॅक हबकॅप्स आणि व्हीलच्या वरील बाजूला एक लाइट एक्सेंट देखील आहे.

हेही वाचा: ChatGPT vs Satya Nadella: 'बिर्याणी'वरून सत्या नडेला ChatGPT ला नडले, पाहा नक्की काय घडलं

Afeela ब्रँड अंतर्गत येणाऱ्या या इलेक्ट्रिक कारची किंमत मर्सिडीज बेंझ, बीएमडब्ल्यू, वोल्वो आणि ऑडी सारख्या प्रीमियम कार एवढी असण्याची शक्यता आहे. सोनीने दिलेल्या माहितीनुसार, कंपनी या गाडीला सॉफ्टवेअर सबस्क्रिप्शन सेवेसह सादर केले जाईल. सबस्क्रिप्शन घेतल्यास यूजर्सला काही सुविधांचा फायदा मिळेल.

दरम्यान, Sony ने तीन वर्षांपूर्वी CES मध्ये Vision-S या कॉन्सेप्ट सेडान कारला सादर केले होते. आता सोनी आणि होंडा एकत्र येऊन अफिला ब्रँड अंतर्गत इलेक्ट्रिक कारला लाँच करणार आहेत. लाँचिंगनंतर ही कार थेट टेस्लाला टक्कर देईल.

हेही वाचा: द मिसिंग टाइल सिंड्रोम ठेवा आपल्यापासून दूर

टॅग्स :carAutomobileelectric car