Sony चे दमदार हेडफोन भारतात लॉंच, 30 तास चालत बॅटरी | Sony WH 1000xm5 | Sakal
sakal

बोलून बातमी शोधा

sony wh 1000xm5 headphones launched in india know price

Sony चे दमदार हेडफोन भारतात लॉंच, 30 तास चालत बॅटरी

Sony ने आपले नवीन नॉईज कॅन्सलिंग हेडफोन - WH-1000XM5 भारतीय वापरकर्त्यांसाठी लॉन्च केले आहेत. कंपनीने हे हेडफोन्स मे महिन्यात जागतिक बाजारपेठेत लॉन्च केले आणि आता त्यांची एंट्री भारतात झाली आहे. यामध्ये कंपनी चांगल्या आवाजासाठी 30mm ऑडिओ ड्रायव्हर सेटअप देत आहे. ते 30 तासांच्या बॅटरी लाइफसह येतात. या लेटेस्ट सोनी हेडफोनची किंमत 26,999 रुपये आहे. हे Amazon India वर प्री-ऑर्डरसाठी उपलब्ध झाले आहेत. त्यांची शिपिंग 8 ऑक्टोबरपासून सुरू होईल.

फीचर्स आणि स्पेसिफिकेशन्स

ओव्हर द इअर डिझाइनसह या हेडफोन्समध्ये वायरलेस कनेक्टिव्हिटीसाठी ब्लूटूथ 5.2 देण्यात आला आहे. 30mm डायनॅमिक ड्रायव्हर याची साउंड क्वालिटी कित्येक पटीने उत्कृष्ट बनवतो. यामध्ये तुम्हाला SBC, AAC, LDAC ऑडिओ फॉरमॅटचा सपोर्ट मिळेल. चांगल्या आवाजाच्या स्पष्टतेसाठी त्यांच्यामध्ये DSEE एक्स्ट्रीम देखील देण्यात आला आहे.

हेही वाचा: Google Pixel वॉच खिशाला परवडेल का? किती असेल किंमत जाणून घ्या

हे हेडफोन नवीन V1 प्रोसेसरसह येतात, जे HD नॉइस कॅन्सीलेशन करण्यासाठी QN1 प्रोसेसर अनलॉक करतात. तसेच यामध्ये उत्कृष्ट नॉइस कॅन्सीलेशन करण्यासाठी, कंपनी 8 माइक देत आहे. हेडफोन्सची रचना दंडगोलाकार आहे आणि त्यांचे इअरकप बाजूला फिरवता येतात.

बॅटरीबद्दल बोलायचे झाल्यास , ती ANC चालू असल्यास एका चार्जवर 30 तासांपर्यंत टिकू शकते. त्याच वेळी, ANC शिवाय, त्यांची बॅटरी 40 तासांपर्यंत राहते. कॉलिंगबद्दल बोलायचे झाले तर, हे हेडफोन 24 ते 32 तास आरामात टिकतात. हेडफोन चार्ज करण्यासाठी USB Type-C पोर्ट आहे. तर हे हेडफोन चार्ज करण्यासाठी सुमारे 3.5 तास लागतात.

हेही वाचा: ABG Shipyard Scam : 22 हजार कोटींचा घोटाळा! शिपयार्डच्या माजी अध्यक्षांना अटक

Web Title: Sony Wh 1000xm5 Headphones Launched In India Know Price

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..