WhatsApp | प्रत्येक कॉलसाठी मोजावे लागणार पैसे ? मग इंटरनेट पॅकचा फायदा काय ? | Sakal
sakal

बोलून बातमी शोधा

WhatsApp

WhatsApp : प्रत्येक कॉलसाठी मोजावे लागणार पैसे ? मग इंटरनेट पॅकचा फायदा काय ?

मुंबई : आतापर्यंत, तुम्ही व्हॉट्सअॅप, फेसबुक मेसेंजर किंवा इतर ओटीटी अॅप्सद्वारे विनामूल्य कॉलिंग करू शकता, परंतु येत्या काळात हे देखील संपण्याची शक्यता आहे.

WhatsApp, Facebook, Google Duo आणि Telegram सारख्या कॉलिंग आणि मेसेजिंग अॅप्सना दूरसंचार कायद्याच्या कक्षेत आणण्याची सरकारची तयारी आहे. यासंदर्भातील विधेयकाचा मसुदाही तयार करण्यात आला आहे. (Telecom Bill)

हेही वाचा: जिओच्या ३ रिचार्ज प्लॅनच्या किंमतींत वाढ; असे आहेत तपशील

सरकारला काय हवंय ?

वास्तविक सरकार नवीन दूरसंचार विधेयकावर काम करत आहे. या विधेयकात सोशल मीडिया अॅप्स आणि इंटरनेट-आधारित कॉलिंग अॅप्स कायद्याखाली आणण्याची योजना आहे. आतापर्यंत व्हॉट्सअॅप आणि फेसबुक मेसेंजरसारखे इंटरनेट कॉलिंग अॅप्स परवान्याशिवाय काम करत होते पण नवीन बिल आल्यानंतर त्यांनाही परवाना घ्यावा लागणार आहे.

नवीन विधेयक लागू झाल्यानंतर व्हॉट्सअॅप, फेसबुक, गुगल ड्युओ आणि टेलिग्राम यांसारख्या अॅप्सना सरकारकडून परवाना घ्यावा लागणार असून त्यासाठी भरघोस शुल्कही आकारले जाणार आहे, सरकार परवाना शुल्क माफ करू शकते. परवाना शुल्क किती असेल. या संदर्भात सध्या कोणतीही माहिती उपलब्ध नाही.

हेही वाचा: Smartphone : एका चार्जमध्ये ७ दिवस चालेल हा waterproof smartphone

आता व्यवसायाचा थेट फंडा असा आहे की जर व्यावसायिकाला त्याच्या सेवांसाठी पैसे द्यावे लागले तर तो त्याच्या ग्राहकांकडून त्याची भरपाई करेल. Amazon Prime Video आणि DisneyPlus Hotstar ते Netflix या मॉडेलवर सध्या त्यांच्या सेवा देत आहेत.

नवीन बिल लागू झाल्यानंतर व्हॉट्सअॅप, फेसबुक, गुगल ड्युओ आणि टेलिग्राम यांसारख्या अॅप्सच्या काही सेवा मोफत असतील तर काहींना पैसे द्यावे लागण्याची शक्यता आहे.

जेव्हा तुम्ही एखादे उत्पादन खरेदी करता तेव्हा त्याची किंमत सर्व करांसह पॅकेटवर लिहिलेली असते, परंतु त्यानंतरही तुम्हाला स्वतंत्रपणे जीएसटी शुल्क भरावे लागते. आता व्हॉट्सअॅप, फेसबुक, गुगल डुओ आणि टेलिग्राम यांसारख्या अॅप्सच्या बाबतीतही असेच होईल.

तुम्ही इंटरनेटसाठी वेगळे पैसे खर्च करत आहात आणि भविष्यात तुम्हाला इंटरनेटवरून कॉल करण्यासाठीही वेगळे पैसे द्यावे लागतील.

टॅग्स :whatsapp