WhatsApp Update : व्हॉट्सअॅप आणणार हटके फीचर, थेट फेसबुकशी होणार कनेक्ट

WhatsApp Update : इन्स्टंट मेसेजिंग अॅप व्हॉट्सअॅप आपल्या युझर्ससाठी एकदम हटके फीचर आणणार आहे. या भन्नाट फीचरमुळे युजर्स आपले व्हॉट्सअॅप स्टेटस थेट फेसबुकवर पोस्ट करु शकतात. सध्या व्हॉट्सअॅपकडून या नवीन फीचरवर काम सुरु आहे. हे फिचर लोकांसाठी 'status privacy' सेक्शनमध्ये उपलब्ध असणार आहे.

याठिकाणी युजर्सना स्वत:चे फेसबुक अकाऊंट अॅड करता येणार आहे. समजा, जर तुम्हाला व्हॉट्सअॅप स्टेटस फेसबुकवरही शेअर करायचा असेल तर यासाठी 'facebook to share' हा ऑप्शन ऑन ठेवावा लागणार आहे.

या व्हॉट्सअॅप फीचरमधील चांगली गोष्ट म्हणजे युजर्सना आपल्या प्रत्येक स्टोरीसाठी सेटिंग्समध्ये बदल करण्याची सुविधा देण्यात आली आहे. जर तुम्हाला एकच स्टेटस फेसबुकवर शेअर करायचा असेल तर तेही शक्य आहे. विशेष म्हणजे या फीचरमुळे लोकांच्या वेळेची बचत होणार आहे. कंटेट क्रिएटर्स आणि इन्फ्लूएन्सर्ससाठी हे फीचर जबरदस्त फायदेशीर ठरण्याची शक्यता आहे.

दरम्यान, व्हॉट्सअॅप वापरताना अनेकदा एखाद्या व्यक्तीला आपण मेसेज पाठवत असताना त्यात टायपिंग एरर होतात. यामुळे अनेकदा चुकीचा मेसेजही समोरच्या व्यक्तीला जातो. तो जाऊ नये म्हणून बरेच लोक तो मेसेज डिलीट करतात.

जर तुम्हालाही व्हॉट्सअॅपवर ही अडचण येत असेल तर लवकरच व्हॉट्सअॅप त्यासाठी देखील एक नवं फीचर आणणार आहे. व्हॉट्सअॅप अशा आणखीन एका खास फीचरवर काम करत आहे. हे फीचर आल्यानंतर तुम्हाला तुमच्या व्हॉट्सअॅप एखादा मेसेज चुकीच्या पद्धतीने सेंड झालं असेल, तर तुम्हाला तो डिलीट न करता एडिट करायचं ऑप्शन मिळणार आहे