Meta CEO : ११ हजार कर्मचाऱ्यांना काढणाऱ्या मार्क झुकरबर्गचा फेसबुकचा राजीनामा ? | Sakal
sakal

बोलून बातमी शोधा

mark zuckerberg resignation

Meta CEO : ११ हजार कर्मचाऱ्यांना काढणाऱ्या मार्क झुकरबर्गचा फेसबुकचा राजीनामा ?

मुंबई : मेटा सीईओ मार्क झुकरबर्गने अलीकडेच 11,000 लोकांना कामावरून काढून टाकले. या छाटणीबद्दल मार्कने माफीही मागितली असून आता खुद्द मार्क झुकरबर्गने राजीनामा दिल्याची बातमी आहे. (Mark Zuckerberg )

हेही वाचा: Job Loss : मेटा आणि मायक्रोसॉफ्टनंतर आता अॅमेझॉनच्या कर्मचाऱ्यांवर टांगती तलवार

मार्क झुकरबर्ग पुढच्या वर्षी म्हणजे 2023 मध्ये राजीनामा देऊ शकतात. मार्क झुकेरबर्गच्या राजीनाम्याचे वृत्त मेटा प्रवक्त्याने फेटाळले असले तरी कंपनीच्या प्रकल्पातील सततच्या अपयशानंतर मोठे बदल करण्याची तयारी सुरू असल्याचे बोलले जात आहे. मेटाचे संपर्क प्रमुख अँडी स्टोन यांनी राजीनाम्याचे वृत्त अफवा असल्याचे सांगून फेटाळून लावले.

द लीक नावाच्या वेबसाईटने आपल्या रिपोर्टमध्ये दावा केला आहे की, मार्क झुकरबर्गने कंपनी सोडली आहे. मार्क झुकेरबर्गने मेटाव्हर्स प्रकल्पावर पाण्यासारखा पैसा खर्च केला, पण त्याचे परिणाम दिसत नसल्याचे अहवालात म्हटले आहे. याशिवाय कंपनीचे नुकसानही होत आहे. मार्क झुकेरबर्गच्या व्हीआर प्रोजेक्टलाही बाजारातून फारसा प्रतिसाद मिळत नाहीये. हेही वाचा - Elon Musk Takeover Twitter : ट्विटरची टिवटिव थांबणार का?

हेही वाचा: Whats App : 'लाइव्ह लोकेशन' आणि 'करंट लोकेशन'मधील फरक काय ?

गेल्या महिन्याच्या सुरुवातीला फायनान्शिअल टाईम्सने आपल्या अहवालात म्हटले होते की मेटाचे गुंतवणूकदार आता मार्क झुकरबर्गवर विश्वास ठेवत नाहीत. मेटामध्ये गुंतवणूक करणाऱ्यांची संख्या आता दुपटीने कमी झाली आहे. ब्रॅड गेर्स्टनरच्या एका खुल्या पत्रानंतर हे सर्व समोर आले आहे ज्यांच्या फंड अल्टिमीटर कॅपिटलकडे लाखो डॉलर्सचे मेटा शेअर्स आहेत.

असे बोलले जात आहे की मेटाव्हर्ससारखे प्रकल्प अपयशी ठरल्यानंतर आणि गुंतवणूकदार निघून गेल्यानंतर मार्क झुकरबर्ग स्वतःला जबाबदार धरणार आहेत. मेटाव्हर्समुळे मेटाचा स्टॉक 70% पेक्षा जास्त घसरला आहे. असेही म्हटले जात आहे की मार्कचा राजीनामा हा फक्त एक पीआर स्टंट आहे.

टॅग्स :Social Media