Smartphone : 'ग्राहकांना जुन्या फोनच्या बदल्यात नवा फोन' ही ऑफर कंपनीला कशी परवडते? वाचा त्यांची स्कीम

Smartphone : मोबाइल एक्सचेंज ऑफरचे बरेच फायदे असतात. जसं की, तुम्ही नवीन फोन घेण्याचा विचार करत असता तेव्हा बऱ्याचदा जुने फोन एक्सचेंज मध्ये देण्याचा पर्याय आपल्याकडे असतो. बऱ्याच ई-कॉमर्स प्लॅटफॉर्ममध्ये फोन एक्सचेंज ऑफर्स सुरू असतात. मग युजर्स जुने फोन देऊन डिस्काउंटसह नवीन फोन खरेदी करतात. यासाठी फ्लिपकार्ट किंवा अॅमेझॉन सारख्या प्लॅटफॉर्मवर जाऊन एक्सचेंज ऑफर निवड करावी लागते.

पण तुम्हाला प्रश्न पडतो का? की या जुन्या फोनचं या ई-कॉमर्स कंपन्या करतात काय? किंवा मग त्यांना अशा एक्सचेंज ऑफर देणं परवडतं कसं?

तर एक्सचेंज ऑफर डील केवळ ग्राहकांसाठीच नाही तर ई-कॉमर्स कंपनी आणि उत्पादकांसाठीही फायदेशीर असते. या डीलनुसार, बिलावर सवलत मिळवण्यासाठी जुना फोन नवीन फोनसाठी एक्सचेंज करू शकतो. जेव्हा तुम्ही जुन्या फोनचे तपशील भरता, तेव्हा ई-कॉमर्स वेबसाइट तुम्हाला तुमच्या फोनच्या किमतीची रक्कम सुचवते आणि त्यानंतर तुम्ही सवलत म्हणून त्याचा लाभ घेऊ शकता. यानंतर, कंपनी तुमचा जुना फोन घेऊन वेगवेगळ्या कारणांसाठी वापरते.

या एक्सचेंज ऑफरमध्ये अॅमेझाॅन किंवा फ्लिपकार्ट यांचा जास्त मोठा फायदेशीर भाग असतो. त्यांची स्पेशल ऑफर या सर्व किंमतींना मागे टाकत असते. त्यामुळे जर तुम्ही फोन विकायला उत्सुक असाल तर या दोन प्लॅटफॉर्मना प्राधान्य द्या.

शेवटी आपली वस्तू विकताना आपल्याला योग्य दाम कोण देतं हे या सर्वात महत्त्वाचे. त्यामुळे नीट विचार करुन योग्य ठिकाणी आपण फोनच्या विक्रीसाठी पोचणं महत्त्वाचं..भले तो फोन वापरलेला असला तरीही!