Study Room
sakal
भारतातील नागरी विमान वाहतूक आणि वाढती दुर्घटना
परिचय
भारतामध्ये नागरी विमान वाहतूक क्षेत्र गेल्या दशकात झपाट्याने वाढले आहे. वाढती प्रवासी संख्या, नवीन विमान कंपन्यांची भर आणि विमानतळांचे जाळे विस्तारल्यामुळे हवाई प्रवास अधिक सुलभ झाला आहे. मात्र या वाढीसोबतच विमान सुरक्षेचा प्रश्न अधिक गंभीरपणे चर्चेत येऊ लागला आहे. अलीकडील काही मोठ्या अपघातांमुळे आणि वारंवार घडणाऱ्या तांत्रिक बिघाडांमुळे नागरी विमान वाहतुकीच्या सुरक्षिततेबाबत प्रश्न उपस्थित झाले आहेत. भारत हा जगातील सर्वात वेगाने वाढणाऱ्या विमान बाजारांपैकी एक असल्याने या क्षेत्राच्या विस्तारासोबत सुरक्षिततेवर समान भर देण्याची गरज असल्याचे संसदीय समितीनेही अधोरेखित केले आहे.