Tourism : नवरात्रीनिमित्त महाराष्ट्रातील 'या' प्रसिद्ध देवींच्या मंदिरांना भेट द्या..

आपल्या देशात स्त्रियांना सर्वोच्च स्थान आहे. काली माँ शक्तीची देवी, सरस्वती विद्येची देवी अशा अनेक देवी त्यांच्या शक्तीसाठी आणि भक्तीसाठी प्रसिद्ध आहेत. सर्व हिंदू धर्मातील लोक या देवींना श्रद्धेने नमस्कार करतात. देशभरात अनेक ठिकाणी देवतांसोबत अनेक देवींची मंदिरेही लोकप्रिय आहेत. जम्मू-काश्मीरमधील वैष्णोदेवी मंदिर असो किंवा कन्याकुमारीतील अम्मान मंदिर असो. या सर्व देवींच्या दर्शनासाठी भाविक आदराने जात असतात. आज आम्ही तुम्हाला महाराष्ट्रातील अशाच काही देवींच्या मंदिरांची माहिती देत आहोत. या मंदिरांची भव्यता पाहून तुम्ही थक्क व्हाल..

मुंबा देवी मंदिर

मुंबईत असलेले मुंबा देवी मंदिर भुलेश्वर मुंबई येथे आहे. यामुळेच या शहाराला मुंबई असे नाव पडले. मुंबा देवी ही येथे राहणाऱ्या कोळी जातीची कुलदेवी आहे. 400 वर्षे जुन्या या मंदिराची मुंबईत बरीच ओळख आहे.

वज्रेश्वरी देवी

वज्रेश्वरी योगिनी देवी मंदिर वज्रेश्वरी देवीला समर्पित आहे. मुंबईपासून सुमारे 75 किमी अंतरावर असणाऱ्या या मंदिरात अनेक भाविक दर्शनसाठी येत असतात. नवरात्रीचा पवित्र सण येथे मोठ्या उत्साहात साजरा केला जातो. संपूर्ण नऊ दिवस देवीची आराधना करून मोठी जत्रा भरवली जाते.

सप्तशृंगी देवी मंदिर

नाशिक महाराष्ट्रातील देवीच्या साडेतीन शक्तीपीठांपैकी एक, सप्तशृंगी देवी नाशिकपासून (सप्तशृंगी देवी मंदिर वणी नाशिक) सुमारे 60 किमी अंतरावर 4800 फूट उंच सप्तशृंगा पर्वतावर विराजमान आहे. सह्याद्रीच्या सात शिखरांचा प्रदेश म्हणजे सप्तशृंगा पर्वत होय. एका बाजूला खोल दरी आणि दुसऱ्या बाजूला हिरवाईने नटलेला उंच डोंगर पहायला मिळतात. येथील नयनरम्य निसर्ग मातृत्वाची ओळख करून देतो.

एकवीरा देवी मंदिर

लोणावळा सूर्यकन्या पांढर नदीच्या काठावर वसलेले एक अतिशय प्राचीन मंदिर म्हणजे एकवीरा देवी मंदिर होय. एकवीरा देवी मंदिर जेथे आदिमाया एकवीरा देवीची पूजा केली जाते. महाराष्ट्रातील धुलिया शहरातील देवपूर उपनगरात विराजमान झालेल्या या स्वयंघोषित देवतेची महाराष्ट्रासह मध्य प्रदेश, राजस्थान, कर्नाटक आणि गुजरातमधील अनेक घराण्यांमधील भक्तांकडून कुलदेवीच्या रूपात पूजा केली जाते.

रेणुका देवी मंदिर

महाराष्ट्रातील माहूर प्रदेश रेणुका देवी मंदिरासाठी विशेषतः प्रसिद्ध आहे. हे महाराष्ट्रातील साडेतीन शक्तीपीठांपैकी एक आहे. या मंदिराबरोबरच अनसूया मंदिर आणि कालका मंदिर यांसारख्या इतर देवीही आहेत.

मंधारादेवी काळूबाई मंदिर

येथील मंधरादेवी काळूबाई मंदिर सातारा जिल्ह्यातील वाई भागात डोंगरावर सुमारे 4650 फूट उंचीवर आहे. हे हिंदू धर्मातील अतिशय प्रसिद्ध मंदिर असून दरवर्षी जानेवारी महिन्यात काळूबाईची जत्रा काढली जाते.

तुळजा भवानी मंदिर

सोलापूरपासून सुमारे ४५ किमी अंतरावर असलेले तुळजा भवानी मंदिर ५१ शक्तीपीठांपैकी एक मानले जाते. सह्याद्री नदीवर वसलेल्या यमुनाचल पर्वताच्या कुशीत हे मंदिर आहे.

महालक्ष्मी मंदिर

कोल्हापूर महालक्ष्मी मंदिर हे ५१ शक्तीपीठांपैकी एक आहे. महाराष्ट्रातील कोल्हापूर जिल्ह्यात हे मंदिर वसले आहे. कोल्हापूरचे हे महालक्ष्मी देवीचे मंदिर दक्षिणेची काशी म्हणूनही ओळखले जाते. या मंदिरात नवग्रह, भगवान सूर्य, महिषासुर मर्धिनी, विठ्ठल रखमाई, शिवाजी, विष्णू, तुळजा भवानी इत्यादी देवतांचीही पूजा केली जाते.

चतुर्श्रृंगी मंदिर

पुणे सेनापती बापट रोडवरील डोंगराच्या कुशीत वसलेले पुण्याचे प्रसिद्ध चतुरश्रृंगी मंदिर 90 फूट उंच आणि 125 फूट रुंद आहे. हे मंदिर शक्ती आणि विश्वासाचे प्रतीक मानले जाते.