IRCTC: श्रावण महिन्यात विमानाने घडवणार ज्योतिर्लिंग आणि शिर्डीचे दर्शन

IRCTC Air Travel Package for Shravan: इंडियन रेल्वे केटरिंग अँड टुरिझम कॉर्पोरेशन श्रावण महिन्यात महाराष्ट्रातील ज्योतिर्लिंग, शिर्डी, शनी मंदिर याशिवाय वेरुळच्या लेण्या आणि जवळपासच्या पर्यटन स्थळांचं दर्शन घडवणार आहे. हा प्रवास विमानाने असेल. 7 ऑगस्ट रोजी रायपूर येथून यात्रेकरूंचे उड्डाण होईल. या पॅकेजचा लाभ फक्त 10 लोकांनाच मिळणार आहे. त्यासाठी प्रतिव्यक्ती 30 हजार 250 रुपये भाडे निश्चित करण्यात आले आहे. यामध्ये हवाई प्रवास तसेच थ्री स्टार हॉटेलमध्ये निवास, तसेच एसी वाहनात जेवण आणि सहलीचा समावेश असेल.

IRCTC ने प्रवाशांसाठी महाराष्ट्र टूर पॅकेज तयार करण्याची ही पहिलीच वेळ आहे. याला चांगला प्रतिसाद मिळाल्यास IRCTC च्या या पॅकेजचा फायदा आणखी एक किंवा दोनदा मिळू शकतो. कोरोना संक्रमण काळात, IRCTC ची प्रवास योजना रद्द करण्यात आली होती. यामध्ये ट्रेन तसेच राजस्थानच्या फ्लाइट पॅकेजचा समावेश होता. आता परिस्थिती सामान्य झाल्यावर लोक तीर्थयात्रांबरोबरच प्रेक्षणीय स्थळीही जात आहेत. हे पाहता आयआरसीटीसीने बिलासपूरच्या प्रादेशिक कार्यालयातून श्रावण महिन्यात महाराष्ट्रातील ज्योतिर्लिंगासह शिर्डी आणि शनी मंदिराचं दर्शन घडवण्याचे पॅकेज तयार केले आहे.

प्रतिव्यक्ती 30 हजार 250 रुपये निश्‍चित आहे. मात्र दोन सदस्यांना जायचे असेल तर भाडे 24 हजार 195 रुपये केले जाणार आहे. तीन जणांना जाण्यासाठी यात सूट देण्यात आली आहे. यामध्ये केवळ २३ हजार २८५ रुपये भरून टूर करता येणार आहे. IRCTC एरिया मॅनेजर जेराल्ड सोरेन यांनी सांगितले की, प्रवासादरम्यान दोन्ही ज्योतिर्लिंगांचे दर्शन घेतले जाईल. यामध्ये एक त्र्यंबकेश्वर आणि दुसरे घृष्णेश्वर ज्योतिर्लिंगाचा समावेश आहे. चार दिवसांच्या या प्रवासानंतर प्रवासी 10 ऑगस्ट रोजी रात्री 8 वाजता रायपूर विमानतळावर पोहोचतील.

साउथ सेंट्रल झोनहून दुसऱ्या शहराचे पॅकेज हैदराबाद

पुरी जगन्नाथ यात्रा- 30 जून- शिर्डी व शनि मंदिर – 9 व 13 जुलै आणि 13 व 27 ऑगस्ट
विशाखापट्टणम- तिरुपति बालाजी दर्शन- 10 व 24 जून, 15 व 29 जुलै, 12 व 26 अगस्त, 9 सप्टेंबर

भुवनेश्वर- चार धाम - 10 जून- अरुणाचल प्रदेश - 9 जून- शिर्डी - सात जून