Jagannath Temple: फक्त पुरीच नाही, तर इथेही आहेत भगवान जगन्नाथाची प्रसिद्ध मंदिरं; जाणून घ्या

ओडिशातील पुरीचे जगन्नाथ मंदिर हे जगभर प्रसिद्ध आहे. मंदिराच्या गर्भगृहात भगवान जगन्नाथ, बलभद्र आणि सुभद्रा यांच्या मूर्ती आहेत. या मूर्ती दर 12 वर्षांनी बदलल्या जातात. मंदिरातील मूर्ती बदलल्यानंतर मूर्तींमधून ब्रह्म द्रव्य काढून नवीन मूर्तींना ठेवल्या जातात. मात्र भगवान जगन्नाथांचे दर्शन घेण्यासाठी तुम्हाला थेट पुरीला जाण्याची गरज नाही. याव्यतिरिक्त देशात आणखीही काही ठिकाणी अशी मंदिरं आहेत.

म्यानमार

म्यानमारमध्ये देखील एक प्रसिद्ध जगन्नाथ मंदिर आहे. नायपीडाव येथील जगन्नाथ मंदिरात देश-विदेशातील लोक येतात. पुरीमध्ये ज्याप्रमाणे जशी भगवान जगन्नाथांची पूजा केली जाते, अगदी तशीच पूजा इथेही करतात. इथे सर्व प्रथाही पाळल्या जातात.

दिल्ली

राजधानी दिल्लीच्या होज खासमध्ये भगवान जगन्नाथाचे मंदिर आहे. या मंदिराला भेट देण्यासाठी भारतातील दूरदूरचे लोक येतात. याठिकाणी अनेकदा लोकांची गर्दी पाहायला मिळते.

तेलंगणा

तेलंगणाची राजधानी हैदराबाद येथेही एक जगन्नाथ मंदिर आहे. जगन्नाथ मंदिरात लोकांची गर्दी जमते. पुरीच्या मंदिराप्रमाणेच जगन्नाथ मंदिर येथे बांधले आहे.

गुजरात

गुजरातमधील अहमदाबादचे जगन्नाथ मंदिरही खूप प्रसिद्ध आहे. अहमदाबादमध्ये भगवान बलभद्र, सुभद्रा आणि जगन्नाथ यांची रथयात्राही काढली जाते. येथे पुरीच्या मंदिरासारख्या प्रथा पाळल्या जातात.