Photo : आफ्रिकन अमेरिकन संस्कृती जपणाऱ्या सॅन फ्रान्सिस्को शहराची सफर! | Latest Marathi News | Sakal
sakal

बोलून बातमी शोधा

San Francisco

Photo : आफ्रिकन अमेरिकन संस्कृती जपणाऱ्या सॅन फ्रान्सिस्को शहराची सफर!

सॅन फ्रान्सिस्कोच्या (San Francisco) सामाजिक, सांस्कृतिक आणि आर्थिक प्रगतीमध्ये आफ्रिकन अमेरिकन लोकांची भूमिका अत्यंत महत्त्वाची आहे. शहराच्या स्थानिक इतिहासापासून ते सांस्कृतिक गतिशीलता, संगीत ते पाककला आणि बऱ्याच गोष्टींमध्ये कृष्णवर्णीय समुदायाचा प्रभाव प्रकर्षाने जाणवतो. सॅन फ्रान्सिस्कोमधील कृष्णवर्णीय संस्कृतीचा अनुभव घेणे म्हणजे त्यांच्या बहुसांस्कृतिक विविधतेच्या खोलवर जाण्यासारखे आहे. आज आपण येथील इतिहास, संस्कृती, शहराचे मनमोहक सौंदर्य, आणि येथील खाद्य संस्कृती अगदी हॉटेलच्या नावांसकट जाणून घेणार आहोत. (Photo trip of San Francisco city preserves African American culture Latest Marathi News)

हेही वाचा: फिरायला जाण्याचा विचार करताय? मग 'या' गुगल टिप्स ठरतील गेम चेंजर

इतिहास आणि संस्कृती

सॅन फ्रान्सिस्कोच्या प्रत्येक इतिहासात, कला व संस्कृतीत आफ्रिकन अमेरिकन समुदायाचा प्रभाव प्रकर्षाने जाणवतो व तो उठून दिसतो.

‘लाईडस्डॉर्फ स्ट्रीट’ सॅन फ्रान्सिस्कोमधील हा मार्ग ऐतिहासिक वारसा जपून आहे. वेस्ट इंडिज येथे जन्मलेले विल्यम अलेक्झांडर लाईडस्डॉर्फ हे १८४१ साली सॅन फ्रान्सिस्को येथे आले. येथे ते यशस्वी उद्योजक झाले आणि शहरातील पहिले हॉटेल त्यांनी बांधले. पाइन ते वॉशिंग्टनपर्यंत माँटगोमेरी आणि सॅनसोम दरम्यान समांतर असणाऱ्या या मार्गाचे नाव त्यांच्याच नावावर ठेवण्यात आले.

Dr. Martin Luther King Jr. Memorial

Dr. Martin Luther King Jr. Memorial

डॉ. मार्टिन ल्यूथर किंग जूनियर स्मारक

डॉ. मार्टिन ल्यूथर किंग ज्युनियर स्मारककडे जात असताना खळखळणाऱ्या पाण्याच्या मंजूळ आवाज व डोळ्यांचे पारणे फेडणारी सुंदर वास्तूंनी तुमचे तुमचे स्वागत होते. आफ्रिकन अमेरिकन फ्रीडम ट्रेलचा भाग असलेल्या येरबा बुएना गार्डन्समध्ये हे स्मारक बांधण्यात आले आहे.

हेही वाचा: Viral Video: गाडीचा हॉर्न वाजला, नागोबा डुलायला लागले! एक मोरही

Museum of the African Diaspora (MoAD)

Museum of the African Diaspora (MoAD)

आफ्रीकी प्रवाशांचं संग्रहालय

डिसेंबर २००५ मध्ये सेंट रेगिस हॉटेलच्या तळमजल्यावर या संग्रहालयाची स्थापना करण्यात आली. Museum of the African Diaspora (MoAD) मध्ये स्थानिक आणि आंतरराष्ट्रीय कृष्णवर्णीय इतिहासाची माहिती मिळते. या संग्रहालयात आफ्रिकन लोकांच्या विखुरलेल्या इतिहास, कला आणि सांस्कृतिक समृद्धीचे प्रदर्शन आहे.

Willie Howard Mays Statue

Willie Howard Mays Statue

विली हॉवर्ड मेस पुतळा (Willie Howard Mays Statue)

Oracle Parkच्या प्रवेशद्वारावरील विली मेस प्लाझामध्ये २४ (त्याचा जर्सी क्रमांक) पाम वृक्ष आणि आफ्रिकन अमेरिकन हॉल ऑफ फेम बेसबॉल सेंटर फील्डरचे नऊ फूट उंच कांस्य शिल्प आहे. McCovey Cove च्या बाजूने चायना बेसिन पार्कमध्ये फेरफटका मारा आणि आणखी एक दिग्गज बेसबॉलपटू विली मॅककॉवे पुतळा पहा. बेसबॉल चाहते वर्षभर या वॉर्टफ्रंट पार्कला भेट देतात आणि मनसोक्त आनंद अनुभवतात.

हेही वाचा: सायन किल्ल्यावरून पाहावी मुंबई!

The Bayview Opera House- Ruth Williams Memorial Theatre

The Bayview Opera House- Ruth Williams Memorial Theatre

बेव्यू ऑपेरा हाऊस- रुथ विल्यम्स मेमोरियल थिएटर

बेव्यू ऑपेरा हाऊस- रुथ विल्यम्स मेमोरियल थिएटर हे १८८८ मध्ये बांधले गेले आणि सॅन फ्रान्सिस्कोच्या सर्वात वांशिकदृष्ट्या वैविध्यपूर्ण समुदाय असलेल्या बेव्ह्यू हंटर्स पॉइंट जिल्ह्याच्या मध्यभागी स्थित आहे. बेव्यू ऑपेरा हाऊस हे सॅन फ्रान्सिस्कोमधील सर्वात जुने थिएटर आहे आणि ऐतिहासिक वास्तू म्हणून त्याची नोंद आहे. आज ते सांस्कृतिक केंद्र म्हणून प्रचलित आहे.

Glide Memorial United Methodist Church

Glide Memorial United Methodist Church

ग्लाइड मेमोरियल युनायटेड मेथोडिस्ट चर्च

ग्लाइड मेमोरियल युनायटेड मेथोडिस्ट चर्चची त्याच्या प्रगतीशील सामुदायिक प्रकल्पांसाठी राष्ट्रीय स्तरावर स्तुती केली जाते आणि आपल्याला येथे खरोखरच बहु-सांस्कृतिक गायनमंडळ मिळेल. ४० वर्षांहून अधिक काळ Glide Memorial United Methodist Church (GLIDE) समाजातील अशा घटकांचा आवाज बनले आहे आणि त्या सर्वांना मायदेशात येण्याची संधी निर्माण करून देतेय.

कोल्ट्रेन चर्च (Coltrane Church)

कोल्ट्रेन चर्चचा आध्यात्मिक अभिव्यक्तीचा दृष्टीकोन हा संगीताच्या नाविन्यपूर्ण सारातून विकसित होतो, ज्याने या गतिमान, सर्वसमावेशक उपासनेच्या प्रकाराला जन्म दिला. वैश्विक धार्मिक अनुभवाच्या शोधात असलेल्या जागतिक पर्यटकांच्या समुदायासाठी ही फेलोशिपची एक पर्वणीच आहे.

esakal

हेही वाचा: दीडशे वर्षांचे ‘बेस्ट’ संग्रहालय

The African American Arts & Culture Complex

The African American Arts & Culture Complex

आफ्रिकन अमेरिकन कला आणि संस्कृती संकुल

आफ्रिकन अमेरिकन आर्ट्स अँड कल्चर कॉम्प्लेक्स हे सॅन फ्रान्सिस्कोमधील एक महत्त्वपूर्ण संसाधन आहे, जे शहराची समृद्ध संस्कृती आणि विविधता यांना जोडते. सॅन फ्रान्सिस्कोच्या आफ्रिकन अमेरिकन समुदायालाच नव्हे तर संपूर्ण सॅन फ्रान्सिस्को बे एरिया तसेच पर्यटकांनाही सेवा देतात. ३४,००० चौरस फुटांच्या सुविधेमध्ये एक आर्ट गॅलरी आणि तीन कला प्रदर्शनाची जागा, २०३ आसनांचे थिएटर, एक रेकॉर्डिंग स्टुडिओ, एक लायब्ररी आणि आफ्रिकन अमेरिकन इतिहासाचे संग्रहण, दोन नृत्य स्टुडिओ आणि इतर बहुउद्देशीय जागा आहेत.

सॅन फ्रान्सिस्को सिटी हॉल (San Francisco City Hall)

सॅन फ्रान्सिस्को सिटी हॉलमध्ये अनेक ऐतिहासिक कलाकृती आहेत. ही राष्ट्रीय ऐतिहासिक वास्तू जेथे उभारली आहे. त्या रस्त्याला सॅन फ्रान्सिस्कोमधील डॉक्टर, प्रकाशक आणि नागरी हक्क नेते डॉ. कार्लटन बी. गुडलेट यांचे नाव दिले गेले आहे.

संगीतावरील कृष्णवर्णीयांचा प्रभाव (Influence of the Black Community on Music)

सॅन फ्रान्सिस्को हे संगीताचे शहर आहे आणि नेहमीच राहिल. ६० च्या दशकातील सायकेडेलिक आवाजापासून ते आजच्या काळातील DJ पर्यंत, सिटी बाय द बे मध्ये परफॉर्मन्सचा अनमोल इतिहास आहे. या सॅन फ्रान्सिस्को संगीत स्थळांना भेट द्या जिथे उद्याचे सुपरस्टार संगीतातील काही दिग्गज कृष्णवर्णीय कलाकारांप्रमाणेच आपली कलाकृती सादर करतात.

द फिल्मोर ( Fillmore)

फिस्मोका येथे जेम्स ब्राउन, आयके, टीना टर्नर आणि ओटिस रेडिंग सारख्या दिग्गजांची भेट दिली आहे. येथे संगिताचे कार्यक्रम वर्षभर सुरू असतात आणि त्याला प्रेक्षकांचा चांगला प्रतिसादही मिळतो. या प्रतिष्ठित इमारतीमध्ये नवीन प्रतिभा आणि अनुभवी कलाकार एकत्र येतात.

हेही वाचा: पावसाळी पर्यटनाचा मनमुराद आनंद घ्यायचायं? 'या' ठिकाणी भेट द्या

ग्रेट अमेरिकन म्युझिक हॉल (Great American Music Hall)

१९०६ च्या विनाशकारी भूकंपानंतर सॅन फ्रान्सिस्कोच्या पुनर्जन्माचे प्रतीक म्हणून ग्रेट अमेरिकन म्युझिक हॉल १९०७ साली उघडण्यात आला. हा सर्वात जुना नाइटक्लब आहे आणि ही वास्तू शतकातील वैभवाची आठवण करून देणारी आहे. २०व्या शतकातील काही सर्वात महत्वाचे कृष्णवर्णीय कलाकारांनी या मंचावर सादरीकरण केले आहे, ज्यात जॅझ दिग्गज ड्यूक एलिंग्टन आणि सारा वॉन यांचा समावेश आहे.

द सलॉन (The Saloon)

१८६१ चा The Saloon चा इतिहास आहे आणि हा सॅन फ्रान्सिस्कोमधील सर्वात जुना बार आहे. The Saloon हे शहरातील काही उत्कृष्ट जॅझ आणि ब्लूजसाठी ओळखले जाते. The Saloonमध्ये दररोज रात्री मनोरंजनाचे कार्यक्रम असतात.

SFJAZZ

SFJAZZ

एस एफ जॅझ (SFJAZZ)

१९८० च्या दशकात SFJAZZ स्थापन झाल्यापासून शहराच्या जॅझ सीनचे हे प्रमुख स्थान बनले आहे. आफ्रिकन अमेरिकन अनुभवाशी जोडलेल्या या संगीतमय स्वरूपाचा इतिहास जतन करण्यापलीकडे, SFJAZZ आता फ्रँकलिन सेंट पीटर्सबर्ग येथे उदयोन्मुख कलाकारांना दिशा देण्याचं काम करत आहे.

द वॉर फील्ड (The Warfield)

सॅन फ्रान्सिस्कोमधील सर्वात जुन्या ठिकाणांपैकी एक असलेल्या The Warfield थिएटरमध्ये लुई आर्मस्ट्राँग आणि प्रिन्ससह अनेक महान कृष्णवर्णीय कलाकारांनी परफॉर्मन्स केले आहे. The Warfield मध्ये सर्व प्रकारचे कलाकार आणि संगीताची प्रत्येक शैली अनुभवता येते. या थिएटरमध्ये तुम्ही बाल्कनीत असलात किंवा मुख्य मजल्यावर नृत्य करत असलात तरीही, तुम्हाला मैफिलीचा उत्तम अनुभव मिळतो.

हेही वाचा: चारधाम यात्रेला जाणाऱ्या यात्रेकरूंना मिळणार 1 लाखांचं विमा संरक्षण

कृष्णवर्णीय संस्कृती आणि खाद्य

कृष्णवर्णीय संस्कृतीचे महत्त्व अनुभवण्यासाठी सॅन फ्रान्सिस्कोमधील अन्न हा एक उत्तम मार्ग आहे. शहराच्या आजूबाजूच्या कृष्णवर्णीयांच्या मालकीची रेस्टॉरंट्स त्यांच्या मेनूसह स्वयंपाकासंबंधी आश्चर्यकारक गोष्टी इथे अनुभवता येतील.

बघत रहावा असा समुद्राचा नजारा...

बेव्यू Bayview हे सांस्कृतिक आणि पाककलेचे प्रमुख ठिकाण आहे. येथील Bayview Bistro हे येथील दोन लोकप्रिय रेस्टॉरंट्सपैकी एक आहे आणि त्यामुळे याला नक्की भेट द्या. Big H BBQ मध्ये तुम्हाला चिकन सँडविच, रिब्स आणि पुडिंग तर मिळेलच शिवाय मेसन जारमध्ये केळी आणि ब्रेड पुडिंगही सर्व्ह केले जाते. फ्रिस्को फ्राइड हे आणखी एक रेस्टॉरंट जेथे कॅटफिशपासून ते ऑक्सटेल डिनरपर्यंत सर्व काही खास आहे. निया सोल रेस्टॉरंट्सच्या मेन्यूमध्ये तुम्हाला आफ्रिकन, कॅरिबियन आणि दक्षिणी प्रभाव असलेले पदार्थ आढळतील.

युथ-रन, जॅझ-थीम असलेला सुपर क्लब, ओल्ड स्कूल कॅफे हे संपूर्ण सॅन फ्रान्सिस्कोमधील सर्वात अद्वितीय रेस्टॉरंटपैकी एक आहेत. येथीस मेनूमध्ये जगभरातील अन्न तुम्हाला मिळेल. तुम्हाला पॉप-अप इतिहासाचा आस्वाद घ्यायचा असल्यास Radio Africa & Kitchenला भेट द्या. हे कॅलिफोर्निया-इथियोपियन पाककृतीचे एक पॉवरहाऊस आहे. जर तुम्हाला गोड खायचं असेल तर Yvonne's Southern Sweets या ठिकाणाला आवर्जुन भेट द्या.

सिविक सेंटर अँड लोवर हैट (Civic Center and Lower Haight)

Axum Cafe एक कॉफी शॉप म्हणून सुरू झाले होते आणि आज ते पारंपारिक इथिओपियन संस्कृतिचे खाद्य देणारे लोअर हाईटच्या सर्वात लोकप्रिय रेस्टॉरंटपैकी एक बनले आहे. दुसरीकडे, ३० वर्षांहून जुने असलेले कॅफे इंटरनॅशनल आहेच. आरामदायक वातावरणा व्यतिरिक्त कॅफे इंटरनॅशनल जॅझ परफॉर्मन्स आणि ओपन माइक नाइट्स देखील आयोजित करते. Z Zoule Café मधील शेफ अरेफ एल्गालीच्या पारंपारिक पाककृतीचा आस्वाद नक्की घ्यायला हवा.

मिशन (Mission)

Cafe Ethiopia येथे तुम्ही पूर्व आफ्रिकन खाद्यपदार्थांचा आनंद घेऊ शकता. शाकाहारींसाठी येथे काहीतरी खास आहे आणि त्याचे सारेच कौतुक करतात. अस्सल आफ्रो-कॅरिबियन पाककृतीसाठी, El Nuevo Fruitlandia येथे जेवायलाच हवे. Little Baobab येथे पश्चिम आफ्रिकन जेवणाचा आनंद घेतलाच पाहीजे.

हेही वाचा: Monsoon road trips: पावसाळ्यात रोड ट्रिपसाठी 'हे' आहेत सर्वोत्तम मार्ग

रिचमंड (Richmond)

ऑस्टेरिया बेला त्याच्या स्वादिष्ट पिझ्झा आणि अँटिपास्टो प्लेट्ससाठी ओळखले जाते. ऑस्टेरिया बेला हे व्हर्माउथच्या विस्तृत निवडीसाठी देखील ओळखले जाते, जे तुम्हाला कॉकटेल पर्याय देते. तुमचे स्वतःचे टॅको (पदार्थ) तयार करण्यासाठी Taqueria Los Mayos ला भेट द्या. ते त्यांच्या पॅनोच, कुरकुरीत टॅकोसाठी ओळखले जातात.

SoMA

ओरॅकल पार्कपासून काही मिनिटांच्या अंतरावर असलेल्या एका छोट्याशा रस्त्यावरील लिटल स्किलेट हे वीकेंड जॅझ ब्रंचसाठी प्रसिद्ध आहे. लोकल किचनमध्ये एक इलेक्ट्रीक मेनू आहे, ज्यामध्ये तळलेल्या भेंडीपासून ते बुर्राटा सॅलड, पिझ्झा आणि पिवळ्या करीपर्यंत सर्व काही मिळते. Sextant Coffee हे पिक-मी-अपसाठी योग्य ठिकाण आहे, येथे इथोपियामधून ब्रू येते.

Sunset in San Fancisco

Sunset in San Fancisco

सूर्यास्ताचे मनमोहक सौंदर्य

गोल्डन गेट पार्कच्या जवळ, तुम्हाला New Eritrea रेस्टॉरंट सापडेल, जे हॉर्न ऑफ आफ्रिकेतील होमस्टाइल डिश देतात. Sunset Cantina for flautas, tortas किंवा the Machete हे समुद्रकिनाऱ्या नजिकची उत्तम पर्याय आहेत.

सॅन फ्रान्सिस्को आंतरराष्ट्रीय विमानतळ

तुम्ही सॅन फ्रान्सिस्को इंटरनॅशनल एअरपोर्ट (SFO) वरून उड्डाण करत असाल तर, Farmerbrown ला नक्की भेट द्या.....

हेही वाचा: Lord Shiva Temples: महाराष्ट्रातील 12 प्रसिद्ध शिव मंदिरे

Web Title: Photo Trip Of San Francisco City Preserves African American Culture Latest Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..