Viral Video : हे समाधान विकत नाही मिळत! पेन विकणाऱ्या चिमुकलीच्या चेहऱ्यावर उमटलं हसू

आपण शहरात रस्त्याने प्रवास करताना अनेक वेळा सिग्नलवर काही मुले पेन किंवा कचऱ्याच्या पिशव्या विकताना पाहिले असतील. तर अनेकदा ध्वज किंवा बदलत्या सणांनुसार वस्तूंची विक्री रस्त्यावरील अनेक कुटुंबांकडून केली जाते. तर लहान मुलांनाही या गरीबिचा शिकार व्हावं लागतं.

हेही वाचा - सूर्यकुमार...भारतीय क्रिकेट मधला 'लंबी रेस का...'

अफगाणिस्तानमधील असाच एक व्हिडिओ सध्या सोशल मीडियावर व्हायरल झाला आहे. या व्हिडिओमध्ये एक लहान मुलगी आपल्या कुटुंबाला आधार म्हणून रस्त्यावर पेन विकत असते. तर एका महिलेने तिच्याकडील सर्व पेन विकत घेऊन तिला जास्तीचे पैसे दिले आहेत. त्यामुळे ती खूश झाल्याचं आपल्याला पाहायला मिळत आहे.

झैनाब असं या मुलीचं नाव आहे. महिला तिला सगळे पेन घेण्याबद्दल बोलते तेव्हा तिच्या चेहऱ्यावर समाधान दिसत आहे. तर त्यानंतर कारमधील महिलेने सदर मुलीकडील सर्व पेन खरेदी केले आहेत. पेन खरेदी केल्यानंतर मुलगी खूश होऊन आपल्या आईकडे पळत जाताना व्हिडिओत दिसत आहे. तिच्या चेहऱ्यावर हसू आणण्याचं समाधान या महिलेने केले आहे.