Viral Video : मदतीसाठी पैसा नाही तर माणुसकी हवी! व्हिडिओ पाहून मन पाझरेल

सोशल मीडियावर अनेक व्हिडिओ व्हायरल होत असतात. त्यामध्ये डान्स, लग्न, साप, सीसीटीव्ही, अपघाताचे व्हिडिओ असतात. काही व्हिडिओ आपल्याला मोठा धडा शिकवून जातात. तर काही व्हिडिओ फक्त विनोदी असतात. सध्या रस्त्यावर सायकलला मदत करतानाचा एक व्हिडिओ व्हायरल झाला आहे.

व्हायरल होत असलेल्या व्हिडिओमध्ये एक व्यक्ती तीन चाकी सायकलवरून खूप मोठं सामान घेऊन जात होता. चढाचा रस्ता असल्यामुळे त्याला सायकस ढकलायला त्रास होत होता. त्याने ताकद लावूनही सायकल चढत नव्हती. हे पाहून पाठीमागून येणाऱ्या एका रिक्षाचालकाने या मालगाडीच्या पाठीमागून रिक्षाने ढकलले आहे.

दरम्यान, या व्यक्तीला संकटाच्या काळात मदतीचा हात देणाऱ्या रिक्षाचालकाचे सर्व स्तरातून कौतुक केले जात आहे. तर मदत करण्यासाठी खिशात पैसे असण्याची गरज नसते, तर मनात आस्था असावी लागते अशा कमेंट नेटकऱ्यांनी या व्हिडिओवर केल्या आहेत. इंस्टाग्रामवर शेअर करण्यात आलेल्या या व्हिडिओला आत्तापर्यंत २ लाखांपेक्षा जास्त लोकांनी लाईक केलं आहे.