केंद्रीय मंत्र्याची बॅटिंग, बॉल थेट भाजप नेत्याच्या डोक्यात; गाठला दवाखाना, Video होतोय Viral

एखाद्या क्रिकेट स्पर्धेच्या उद्घाटनावेळी नेत्याने किंवा पुढाऱ्याने मारलेला बॉल कार्यकर्त्याच्या डोक्याल लागल्याची घटना क्वचितच घडतात. तर भाजपचे केंद्रीय मंत्री ज्योतिरादित्य सिंधिया यांनी मारलेला बॉल थेट भाजपच्या एका नेत्याच्या डोक्यात लागला आहे. या अपघातात भाजप नेत्याच्या डोक्याला जखम झाली असून त्यांना उपचारासाठी हॉस्पिटलमध्ये दाखल करण्यात आले आहे.

हेही वाचा - अल्पमतातील निवाडे आणि सामान्य माणूस

सदर घटनेचा व्हिडिओ सोशल मीडियार चांगलाच व्हायरल होत असून नेटकऱ्यांनी यावर आपल्या मजेशीर प्रतिक्रिया व्यक्त केल्या आहेत. ही घटना मध्यप्रदेश येथे घडली असून सिंधिया हे एका क्रिकेटच्या मैदानाच्या उद्घाटनासाठी आले होते. यावेळी त्यांनी फलंदाजी करताना चांगलीच धुलाई केल्याचं व्हिडिओत दिसत आहे.

दरम्यान, जखमी झालेल्या नेत्याला रिवा येथील संजय गांधी हॉस्पिटलमध्ये दाखल करण्यात आले. त्यांच्या डोक्यावर मोठी जखम झाली असून टाके घेण्यात आले आहेत. रिवा शहरातील इटौरा येथील माधवराव सिंधिया क्रिकेट स्टेडियमचे उद्घाटन करताना ही घटना घडली आहे.