Heartbreak Insurance Fund : पठ्ठ्याने लढवली शक्कल! ब्रेकअप झाल्यावर मिळाले तब्बल 25 हजार रूपये

आवडत्या व्यक्तीसोबत ब्रेकअप झाल्यावर अनेकजण तणावाखाली येतात, अनेकांना त्रास होत असतो पण एका तरूणाला ब्रेक अप झाल्यामुळे तब्बल २५ हजार रूपये मिळाले आहेत. त्याने रिलेशनमध्ये आल्यानंतर "हर्टब्रेक इन्शुरन्स फंड" नावाची योजना सुरू केली होती त्यामुळे त्याला हे पैसे मिळाले आहेत.

या प्रकाराची माहिती सदर तरूणाने स्वत:च्या ट्वीटर अकाऊंटवरून दिली आहे. प्रतीक आर्यन असं या तरूणाचे नाव असून त्याने आपल्या ट्वीटमध्ये लिहिलंय की, आम्ही रिलेशनमध्ये आल्यानंतर एक "हर्टब्रेक इन्शुरन्स फंड" नावाची योजना सुरू केली होती. यामध्ये आम्ही प्रत्येक महिन्याला प्रत्येकी ५०० रूपये दोघांच्या जॉईन्ट अकाऊंटवर जमा करत होतो.

या प्रेमात जो धोका देईल त्याचा या अकाऊंटवरील पैशावर हक्क असेल असा नियम या योजनेचा होता. आमचे ब्रेकअप झाल्यानंतर आता मला या अकाऊंटवरील पैसे मिळाले आहेत. ही रक्कम २५ हजार रूपये इतकी असून ही योजना फक्त इमानदार लोकांसाठी असल्याचं त्याने सांगितलं आहे.

दरम्यान, त्याने पुढे लिहिताना महिलांवर टोमणासुद्धा मारला आहे. "हर्टब्रेक इन्शुरन्स फंड" या योजनेचा फायदा आपल्यालाही मिळू शकतो असं स्त्रियांना का वाटते? असा मिश्किल टोला प्रतीकने लावला आहे.