Viral Video : खेळता खेळता भाऊ पडला ड्रेनेजमध्ये; वर काढण्यासाठी कुत्र्याने केलं असं काही...

सोशल मीडियावर अनेक व्हिडिओ व्हायरल होत असतात. सध्या दोन कुत्र्यांचा व्हिडिओ ट्वीटरवर व्हायरल झाला असून त्यामध्ये एक कुत्रा ड्रेनजच्या खड्ड्यामध्ये पडल्याचं दिसत आहे. तर दुसरा कुत्राला त्याला वर काढण्यासाठी युक्ती करत आहे. हा व्हिडिओ पाहून आपल्यालाही मोठा धक्का बसेल.

भाऊ तो भाऊच. तो कधीच आपली साथ सोडून जात नाही. काही मित्र जसे शेवटपर्यंत साथ देतात तसंच या कुत्र्याने आपल्यासोबत असलेल्या कुत्र्याला साथ दिली आहे. व्हायरल होत असलेल्या व्हिडिओमध्ये दोन कुत्रे खेळत येत असताना त्यातील एकजण अचानक खड्ड्यात पडतो.

त्यानंतर बाहेर असलेला कुत्रा त्याला वर काढण्यासाठी पुलावरून जाणाऱ्या एका व्यक्तीला थांबवण्याचा प्रयत्न करतो. त्यानंतर तो व्यक्ती पुढे जात असताना त्याच्या अंगावर झेप घेऊन त्याला थांबवतो. सदर व्यक्तीच्या हा प्रकार लक्षात आल्यावर तो खड्ड्यात उतरतो आणि कुत्र्याला बाहेर काढतो.

दरम्यान, हा व्हिडिओ ट्वीटरवर शेअर करण्यात आला असून आत्तापर्यंत या व्हिडिओला १ लाख ९२ हजार लोकांनी पसंती दर्शवली असून @yoda4ever या ट्वीटर अकाऊंटवरून हा व्हिडिओ शेअर करण्यात आला आहे. तर नेटकऱ्यांनी या व्हिडिओवर आपल्या प्रतिक्रिया व्यक्त केल्या आहेत.