Video Viral : जगायचा कंटाळा आलाय! कोंबड्याचा थेट आत्महत्येचा निर्णय; गॅसवर उभं राहत घेतलं पेटवून

सोशल मीडियावर अनेक विनोदी व्हिडिओ व्हायरल होत असतात. त्यामध्ये लग्न, डान्स, लहान मुले, प्राणी, सीसीटीव्ही फुटेज, अपघाताच्या व्हिडिओचा सामावेश असतो. पण सध्या एका कोंबड्याचा व्हिडिओ व्हायरल झाला असून तो थेट गॅसवर जाऊन बसल्याचं या व्हिडिओमध्ये दिसत आहे.

व्हायरल होत असलेल्या व्हिडिओमध्ये एका गॅसवर कोंबडा जाऊन उभा राहिल्याचं दिसत आहे. बराच वेळ हा कोंबडा चालू गॅसच्या बर्नरवर (आगीवर) जाऊन उभा राहतो पण त्याला काहीच होत नाही किंवा तो जागचा हलत नाही. हे पाहून आपल्यालाही आश्चर्य वाटेल. हा व्हिडिओ अनेकांनी शेअर केला आहे.

दरम्यान, हा व्हिडिओ इंस्टाग्रामवर शेअर करण्यात आला असून २ लाख २७ हजारांपेक्षा जास्त लोकांनी या व्हिडिओला लाईक केलं आहे. पण तुमच्या माहितीसाठी, हा व्हिडिओ एडिट केलेला असून हा कोंबडा खरोखर आगीवर जाऊन उभा राहिला नाहीये. पण अनेक नेटकऱ्यांना हा व्हिडिओ खरा असल्याचा भास होतो.

या व्हिडिओवर अनेकांनी मजेशीर प्रतिक्रिया व्यक्त केल्या आहेत. त्यामध्ये, "मालकाला चखना कमी पडला, कोंबडा स्वत:च फ्राय व्हायला चुलीवर गेला, आज्ञा पाळणारा कोंबडा! मालकाने कापण्याआधी स्वत:च शिजण्यासाठी गॅसवर जाऊन बसला, जिवंत कोंबडा स्वत:च बसला आगीवर; म्हणला, माझं गरमागरम तंदूर झाल्यावर खा" अशा कमेंट नेटकऱ्यांनी केल्या आहेत.