Viral Video : या कुत्र्यांना एवढं शिकवतं कोण? स्वत: केलेली चूक ढकलली शेजाऱ्यावर

प्रत्येकाच्या घरात कुत्रा किंवा मांजर असे पाळीव प्राणी असतात. तर अनेकदा चतुर प्राणी घरातल्या कामात मदत करत असतात. कुत्रा हा इमानदार प्राणी म्हणून ओळखला जातो. पण अनेकजण या इमानदार प्राण्यांना घरातील कामं शिकवतात व त्यांना कामं करायला सांगतात. असे अनेक व्हिडिओ तुम्ही पाहिले असतील.

पण सध्या व्हायरल होत असलेल्या व्हिडिओमध्ये एका कुत्र्याने आपण केलेली चूक दुसऱ्या कुत्र्यावर ढकलली आहे. या मजेशीर व्हिडिओमध्ये दोन कुत्रे आणि त्यांची दोन पिल्ले बसलेली आहेत. तर एक महिला त्यांना 'हा कचरा कुणी केला?' असा प्रश्न विचारत आहे. त्यानंतर तो कुत्रा शेजारी बसलेल्या कुत्र्याकडे एक पाय करतो आणि ही चूक याने केली असं दाखवतो.

दरम्यान, शेजारच्या कुत्र्याला याबद्दल विचारलं असता त्याने पहिल्या कुत्र्याला तोंडानेच ठोसे मारले आणि 'माझं नाव का सांगितलं?' अशा विचाराने त्याच्याकडे पाहिले. हा मजेशीर व्हिडिओ पाहून आपल्यालाही हसू आवरणार नाही. पण या कुत्र्यांमध्ये एवढा चतुरपणा कुठून येतो हा प्रश्न आपल्यालाही पडला असेल.

या व्हिडिओर नेटकऱ्यांनी मजेशीर कमेंट केल्या आहेत. त्यामध्ये त्यांनी "या कुत्र्यांना हे कुणी शिकवलं, कुत्र्यांना शिकवलं तर ते काहीही करू शकतात, कुत्र्याला शिकवल्याचे परिणाम" अशा मजेशीर कमेंट केल्या आहेत.