लहान मुलीने चिमुकल्याला उचलून टाकले विहिरीत; थरकाप उडवणारे CCTV Footage

एका लहान मुलीने तिच्या पेक्षा छोट्या असलेल्या एका मुलाला उचलून विहिरीत टाकल्याची थरारक घटना घडली आहे. हा प्रकार चीनमध्ये घडला असल्याची माहिती समोर आली असून सदर प्रकार सीसीटीव्ही कॅमेऱ्यात कैद झाला आहे. हा व्हिडिओ सोशल मीडियावर व्हायरल झाला आहे.

अधिक माहितीनुसार, चीनमधील एका गावातील हा व्हिडिओ आहे. एक लहान मुलगी आणि तिच्यापेक्षा लहान असलेला मुलगा दारामध्ये खेळत असताना मुलगी लहान मुलाला तिथे असलेल्या लहान विहिरीमध्ये टाकते.

तर विहिरीत टाकत असताना हा मुलगा रडतो पण क्षणात या मुलीने त्याच्या हाताला धरून विहिरीमध्ये सोडून दिले. लोकांची वर्दळ नसल्यामुळे लगेच कुणाच्या लक्षात हा प्रकार आला नाही.

दरम्यान, घटनेनंतर या मुलाला जिवंत वर काढण्यात यश आले आहे. गारठ्यामुळे कोणतीही दुखापत या चिमुकल्याला झाली नसल्याची माहिती गावातील नागरिकांनी दिली आहे. चित्रपटांमधील सीनवरून हा प्रकार घडला असल्याचं नेटकऱ्यांचं म्हणणं आहे. पण लहान मुलांची पालकांनी काळजी घेणे गरजेचे आहे.