Video Viral : 'जशी काय तिची स्वत:चीच लोकल आहे'; ट्रेनमध्ये तरूणीचं गैरवर्तन

लोकमध्ये प्रवास करताना आपल्याला खूप त्रास झाला असेल. मुंबई किंवा पुण्यातील लोकलमध्ये कायम गर्दी असते. त्यामुळे अनेकदा आपल्याला उभं राहूनच प्रवास करावा लागतो. तर काहीजण आपलीच लोकल असल्यासारखं वर्तन करत असतात. सध्या अशाच एका तरूणीचा व्हिडिओ सोशल मीडियावर व्हायरल झाला आहे.

हेही वाचा - 'पठाण'..आणि २०२३ मधले बाॅलीवूड..कसे असतील दिवस

व्हायरल होत असलेल्या व्हिडिओमध्ये, एक मुलगी आणि तिच्यासोबत एक मुलगा लोकलने प्रवास करताना दिसत आहेत. तर मुलगी पुढच्या सीटवर पाय ठेवून बसली आहे. तिच्या या वर्तनामुळे लोकलमधील इतर प्रवाशांना त्रास होत असल्याचं या व्हिडिओत दिसत आहे. समोर बसलेल्या एका व्यक्तीने जाब विचारला असता या मुलीने त्याच्याकडून फोन हिसकावून घेतल्याचं दिसत आहे.

दरम्यान, ट्वीटरवर शेअर करण्यात आलेल्या या व्हिडिओला नेटकऱ्यांकडून पसंती मिळत असून अनेकांनी यावर आपल्या प्रतिक्रिया व्यक्त केल्या आहेत. तर "जशी काय तिच्या स्वत:चीच लोकल आहे अशी ती वागणूक करतीये" अशा प्रतिक्रिया काही नेटकऱ्यांनी व्यक्त केल्या आहेत.