Marathi Book Review: 'दि फायर ऑफ सिंदूर' : भारताचा दहशतवादावर प्रहार

पुस्तक - 'दि फायर ऑफ सिंदूर' : भारताचा दहशतवादावर प्रहारलेखक - रोशन भोंडेकर, निलॉय चट्टराजप्रकाशक - राईट इंडिया पब्लिशर्स, अहमदाबादप्रकार - नॉन फिक्शनकिंमत - २४० रुपये.पृथ्वीवरचा स्वर्ग मानल्या जाणाऱ्या जम्मू आणि काश्मीरमध्ये २०२५ सालात एक अशी घटना घडते ज्यामुळं भारतच काय पण संपूर्ण जग हादरुन जातं. काश्मीरमधला सर्वाधिक सुंदर भाग असलेल्या पहलगाम या पर्यटनस्थळावर दहशतवादी थेट पर्यटकांवर जीवघेणा हल्ला करतात, त्यांना निवडून ठार मारतात. त्याचबरोबर सत्ताधाऱ्यांना यातून इशारा देतात आणि काश्मीरमध्ये भारतातील इतर भागातील लोकांनी येऊ नये यासाठी हे दहशतवादी कृत्य घडवून आणतात. दहशतवादी पळून जाण्यात यशस्वी होतात पण यानंतर देशभरात प्रचंड संतापाची लाट उसळले. ज्या पाकिस्तानातील ठिकाणांवरुन या दहशतवाद्यांना प्रशिक्षित करुन भारतात घुसखोरी करुन पाठवलं जात, ती दहशतवादी तळं भारत सरकार एका विशेष मोहिमेद्वारे उद्ध्वस्त करतं. ही मोहिमं म्हणजे 'ऑपरेशन सिंदूर'! या मोहिमेनंतर जगभरात नाचक्की झालेला पाकिस्तान सैरभर होतो आणि भारताला अण्वस्त्र हल्ल्यांची धमकी देत आव्हान देत राहतो. .दोन दिवस सीमाभागात पाकिस्तानकडून ड्रोन हल्लेही केले जातात. त्याला भारताकडून चोख प्रत्युत्तर तर दिलंच जातं पण शत्रूचे सर्व ड्रोन खास संरक्षण प्रणालीद्वारे निष्प्रभ्र केले जातात. दोन्ही देशांमध्ये एक प्रकारे युद्धच छेडलं गेलं होतं. यामध्ये भारतानं केलेली कारवाई ही अस्मितेची लढाई होती, पण पाकिस्तानवर मात्र दहशतवाद्यांना पोसल्यामुळं जगभरातील देशांचा दबाव वाढत होता. दुसरीकडं प्रत्यक्ष युद्ध ही परवडणारी गोष्ट नसल्याचं चांगलच ठावूक असल्यानं भारतानं समजूतदारपणा दाखवला. त्यानंतर अमेरिकेच्या मध्यस्थीनं भारत-पाकिस्तानमध्ये युद्धविरामाची घोषणा झाली आणि परिस्थिती निवळली..याच संपूर्ण घडामोडींवर आता एक पुस्तक आलं आहे. पहलगाम हल्ल्यानंतर सुमारे महिनाभर सुरु असलेल्या या संपूर्ण घडामोडी नेमक्या कशा घडत गेल्या? त्याचे काय परिणाम होत गेले? याची माहिती या पुस्तकातून आपल्यासमोर येते. 'दि फायर ऑफ सिंदूर- इंडियाज स्ट्राईक अगेन्स्ट टेरर' असं या पुस्तकाचं नाव असून ते इंग्रजी भाषेत प्रकाशित झालं आहे. ऑपरेशन सिंदूरवरील हे पहिलचं पुस्तक असून ते लेखक रोशन भोंडेकर, निलॉय चट्टराज यांनी संयुक्तरित्या लिहिलं आहे. अहमदाबादमधील 'राईट इंडिया पब्लिशर्स' या प्रकाशन संस्थेनं हे पुस्तक प्रकाशित केलं आहे. नॉन फिक्शन कॅटेगिरीतलं हे पुस्तक असून यामध्ये प्रत्यक्षात घडलेल्या अनेक थरारक आणि रंजक घटनांचं डॉक्युमेंटेशन करण्यात आलं आहे. २२ एप्रिल २०२५ रोजी जम्मू-काश्मीरमधील पहलगाम इथं झालेल्या दहशतवादी हल्ल्यात मृत्यू झालेल्या नागरिकांचं आणि शहीद जवानांच्या स्मृतींना हे पुस्तक अर्पण करण्यात आलं आहे. पुस्तकाच्या सुरुवातीलाच एक डिस्क्लेमर देण्यात आला आहे. यात म्हटलंय की, ऑपरेशन सिंदूर संदर्भात सार्वजनिकरित्या जी माहिती उपलब्ध आहे. तसंच या मोहिमेच्या संदर्भातील अधिकची माहिती मिळवण्यासाठी केलेलं संशोधन तसंच ऑपरेशन सिंदूरवर दोन्ही लेखकांना काय वाटतं? त्यावर आधारित हे पुस्तक आहे..Operation Sindoor 2025: विवाहित महिलेचं प्रतिक असलेल्या 'सिंदूर'ची रंजक गोष्ट, वाचा एका क्लिकवर.हे पुस्तक या मोहिमेची माहिती देण्याच्या उद्देशानं तयार करण्यात आलं आहे. यातील संदर्भ हे शासनाचे अधिकृत संदर्भ आहेत असं मानू नये. या पुस्तकातील उल्लेखांमुळं भविष्यात काही वाद उद्भवल्यास त्यामुळं काही नुकसान झाल्यास त्याला लेखक, प्रकाशक आणि छपाईची कंपनी जबाबदार राहणार नाही. तसंच या पुस्तकातील मजकूर इतरत्र वापरायचा असल्यानं लेखकाची आणि प्रकाशकाही लेखी परवानगी घेणं गरजेचं आहे. विशेष म्हणजे या पुस्तकविक्रीतून मिळालेल्या रॉयल्टीचा शंभर टक्के हिस्सा हा अनाथ मुलांसाठी काम करणाऱ्या एनजीओजना दान करण्यात येणार आहे..भारतानं दहशतवादाविरोधात दिलेला एका महत्वाच्या लढ्यावर आधारित हे पुस्तक आहे. या पुस्तकात केवळ भारतीय सैन्याच्या कामगिरीचा इतिहासच नव्हे तर मानवी कथांचा अंतर्भाव आहे, धोरणात्मक अडचणी, भूराजकीयदृष्ट्या चुकलेल्या सीमारेषांचा उहापोह या पुस्तकात आहे. सर्वात महत्वाचं म्हणजे या पुस्तकात भारताची सन्मानजनक बाजू, पाकिस्तानची बाजू आणि जागतिक स्तरावरील संदर्भ यांचा अभ्यासपूर्ण लेखाजोखा आहे. २२ एप्रिल २०२५ ते १२ मे २०२५ या काळात घडलेल्या घडमोडींवरच या पुस्तकात फोकस करण्यात आला आहे. या सर्व घडामोडींचे दक्षिण आशियाच्या भविष्यातील राजकीय स्थितीवर कसे परिणाम होतील याचं सांगोपांग विश्लेषणंही यामध्ये वाचायला मिळेल. सर्वात विशेष म्हणजे पहलगामचा हल्ला ते ऑपरेशन सिंदूर आणि युद्धबंदीपर्यंतच्या काळात भारतीय माध्यमांनी जे वार्तांकन केलं त्यावर काही प्रमाणात टीकाही झाली. या सगळ्या अनुषंगानं बराच काळ माध्यमांमध्ये काम केलेल्या अनेक वरिष्ठ पत्रकारांची मतंही यामध्ये समाविष्ट करण्यात आली आहेत. जवळपास ३० पानं ही केवळ माध्यमातील लोकांना या घटनांबद्दल काय वाटतं? यासाठी देण्यात आली आहेत. .एकूण १६ प्रकरणं या पुस्तकात आहेत. ज्याची सुरुवातच पहलगाम हल्ल्याच्या घटनेच्या प्रकरणापासून होते. त्यानंतर भारताला या दहशतवादी हल्ल्यामुळं झालेली जखम, सिंधू जल-करार स्थगित करुन पाकिस्तानचं तोडलेलं पाणी, पाकिस्तानच्या हद्दीत घुसून भारतानं ऑपरेशन सिंदूरद्वारे केलेली धडक कारवाई, या मोहिमेची वॉररुममधून झालेली तयारी, मोहिमेदरम्यान भारतानं कुठली नवी हत्यारं वापरली तसंच संरक्षण प्रणालीचा वापर केला, पाकिस्तानातील भावलपूर इथं असलेल्या जैश-ए-मोहम्मद या दहशतवादी संघटनेचं उद्ध्वस्त केलेलं हेडक्वार्टर, लष्कर-ए-तोयबा या दहशतवादी संघटनेची लाईफलाईन असलेल्या मुरिदके येथील तळावर हल्ला, ८ मे रोजी पाकिस्ताननं भारताविरोधात केलेली कारवाई, पाकिस्तानच्या हल्ल्याला भारतानं दिलेलं चोख प्रत्युत्तर, १० मे रोजी झालेला भारत-पाकिस्तान युद्धबंदी करार या प्रकरणांचा या पुस्तकात समावेश आहे. शेवटी या सर्व घडामोडीबाबत कशा पद्धतीनं नॅरेटिव्ह तयार केलं गेलं. मीडियाचा यावरचा दृष्टीकोण काय होता? तसंच प्रत्यक्ष सीमेवर लढल्या जाणाऱ्या युद्धापलिकडं समाजात वाद-विवादांमधूनच युद्धाची कशी परिस्थिती निर्माण झाली होती याची चर्चाही यात करण्यात आली आहे. .Operation Sindoor: हनी ट्रॅपमध्ये अडकला नौदलाचा कर्मचारी! पाकिस्तानला दिली 'ऑपरेशन सिंदूर'ची माहिती; धक्कादायक माहिती आली समोर.पुस्तक इंग्रजी भाषेत असलं तरी सत्य घटनांवर आधारित असल्यानं याच्या लिखाणात कुठलाही फापट पसारा दिसत नाही. उलट सर्व घटनांचा नेमकेपणानं संक्षिप्त स्वरुपात यात समावेश करण्यात आला आहे. सर्वसामान्य इंग्रजीची समज असलेल्यांनाही पुस्तकातील संदर्भ सहज कळतील अशा अत्यंत साध्या आणि सोप्या इंग्रजीत हे पुस्तक लिहिण्यात आलं आहे. सर्वात महत्वाचं म्हणजे 'ऑपरेशन सिंदूर' या मोहिमेची सर्वप्रकारची माहिती देणारं हे पुस्तक एक चांगलं डॉक्युमेंटेशन झालं आहे. विशेष म्हणजे या घडामोडी घडल्यानंतर अत्यंत कमी वेळेत या संदर्भातील इत्यंभूत माहिती गोळा करुन त्यावर प्रक्रिया करुन ती पुस्तकाच्या रुपानं प्रकाशीतही करण्यात आली आहे. त्यामुळं भारतानं दहशतवादावर केलेल्या सर्वात मोठा प्रहार जाणून घ्यायचा असेल तर हे पुस्तक वाचायलाच हवं..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi Book Review: 'दि फायर ऑफ सिंदूर' : भारताचा दहशतवादावर प्रहार

Related Stories