Monkey Viral Video : चिप्स दिले नाही म्हणून माकडाने उपटल्या झिंज्या! व्हिडीओ पाहून हसू आवरणार नाही

Monkey Funny Viral Video : माकडं माणसाचे पुर्वज आहेत याचा पुरावा वाटावा असे अनेक माकडांचे व्हिडीओज सध्या व्हायरल होत आहेत. माकडांमधली एकी, चतुराई आणि अगदी खट्याळपणा सुध्दा नेटकऱ्यांना वेड लावत आहेत. असाच एक व्हिडीओ सध्या व्हायरल होत आहे.

पारावर बसलेल्या एका माणसाभोवती माकडं जमलेली आहेत. त्याच्याकडच्या चिप्सच्या पाकिटावर या माकडांची नजर आहे. पण माणसाने चिप्स द्यायला नकार दिला तर माकडानं असं काही केलं की, ते बघून तुम्हालाही विश्वास बसणार नाही.

माणसाच्या हातातलं ते चिप्सचं पाकिट माकडानं पहिले ओढण्याचा प्रयत्न केला. माणसाने नकार दिल्यावर त्या माकडानं रागानं त्याच्या झिंज्याच उपटल्या. त्याचे केस ओढत त्याला खाली पाडलं अन् पळाला.

या झटापटीत शेवटी ते पाकीट उघडून त्यातून चिप्स खाली पडले आणि मग माकडांनी त्यावर ताव मारला.