Viral Video : जगातील सर्वांत भारी रेस्क्यू; माकडाने वाचवला मांजराचा जीव

सोशल मीडियावर अनेक विनोदी व्हिडिओ व्हायरल होत असतात. तर काही व्हिडिओ आपल्याला खूप काही शिकवून जात असतात. जगात माणुसकी शिल्लक राहिली नाही असं अनेकदा आपण म्हणत असतो. पण प्राण्यांमध्ये माणुसकी आजही आपल्याला पाहायला मिळते.

प्राणी कधीच आपल्यावर केलेले उपकार विसरत नसतात. याची प्रचिती सध्या एका व्हिडिओतून आली आहे. एका माकडाचा आणि पाळीव मांजराचा एक व्हिडिओ सोशल मीडियावर व्हायरल झाला आहे.

व्हायरल होत असलेल्या व्हिडिओमध्ये एक मांजर पाण्याच्या रिकाम्या टाकीत पडल्याचं आपल्याला दिसत आहे. तर माकड त्याला वाचवण्यासाठी प्रयत्न करत आहे. माकड टाकीत उतरून मांजराला वर काढण्याचा प्रयत्न करताना दिसत आहे. मांजर घाबरून टाकीत बसलेलं दिसत आहे. त्यानंतर एका स्थानिक व्यक्तीच्या मदतीने माकड मांजराला वर काढते.

दरम्यान, मांजराला वर काढल्यानंतर माकड त्याला कुरवाळत आहे. हा व्हिडिओ सोशल मीडियावर चांगलाच व्हायरल झाला असून अनेकांनी यावर आपल्या प्रतिक्रिया व्यक्त केल्या आहेत. तर हा व्हिडिओ फेसबुकवर अनेकांनी शेअर केला आहे. हा व्हिडिओ पाहून आपल्या डोळ्यांच्या कडा पाणावल्याशिवाय राहणार नाहीत.