Viral Video : गायीने दाखवली कृतज्ञता! प्रसूतीसाठी मदत केलेल्याचे असे मानले आभार

सोशल मीडियावर अनेक व्हिडिओ व्हायरल होत असतात. यापैकी अनेक व्हिडिओ आपल्याला भावनिक बनवत असतात तर काही व्हिडिओतून आपल्याला मोठा बोध मिळतो. आपण दैनंदिन जीवनात एखाद्याने केलेल्या उपकाराची जाण ठेवून त्याला मदत करतो याला कृतज्ञता म्हणतो. ही कृतज्ञता आजकाल कमी होताना आपल्याला दिसत आहे पण प्राण्यांमध्ये ती दिसून येते.

सध्या एका गायीचा व्हिडिओ सोशल मीडियावर व्हायरल झाला असून त्यामध्ये गायीच्या प्रसूतीसाठी मदत करणाऱ्या व्यक्तीचे गाय आभार मानताना दिसत आहे. गाय सदर व्यक्तीच्या हाताला जीभेने चाटताना दिसत आहे. एखादा प्राणी जर व्यक्तीच्या जवळ येऊन त्याला चाटत असेल किंवा त्याला चेहऱ्याने कुरवाळण्याचा प्रयत्न करत असेल तर ती व्यक्तींबद्दलची कृतज्ञता व्यक्त करण्याचे संकेत असतात असं म्हणतात.

दरम्यान, प्राणी कृतज्ञ असतातच, त्यांना केलेली मदत किंवा त्यांच्याशी असलेली ओळख ते कधीच विसरत नाहीत याची प्रचिती या व्हिडिओतून येईल. हा भावनिक व्हिडिओ सोशल मीडियावर अनेकांनी शेअर केला असून त्यावर आपल्या प्रतिक्रिया व्यक्त केल्या आहेत.