Viral Video : मुंबईतील प्रकार! एका दुचाकीवरून 8 जणांचा प्रवास; नेटकरी म्हणाले, मोदी है तो मुमकीन है

मुंबई : मुंबईतून एक धक्कादायक प्रकार समोर आला असून एका दुचाकीवर तब्बल ८ लोकं बसून प्रवास करत आहेत. यातील सात शाळेतील लहान लहान मुलं असून एक दुचाकीचालक व्यक्ती आहे. या घटनेचा व्हिडिओ सोशल मीडियावर चांगलाच व्हायरल झाला असून या दुचाकी चालकावर कारवाई करण्याची मागणी नेटकऱ्यांकडून करण्यात येत आहे.

एका दुचाकीवर किती जण बसू शकतात? असा प्रश्न आपल्याला विचारल्यावर आपण दोन किंवा तीन असं उत्तर द्याल पण एका दुचाकीवरून तब्बल ८ लोकं प्रवास करतात असं तुम्हाला सांगितलं तर तुमचा विश्वास बसणार नाही. पण हो. सध्या हा व्हिडिओ व्हायरल झाला आहे. तर धोकादायक पद्धतीने हे मुलं गाडीवरून प्रवास करताना दिसत आहेत.

दरम्यान, या दुचाकीवर एक मुलगा उभा राहिला असून धोकादायक प्रवास करत आहे. तर _aamchi_mumbai_ या इंस्टाग्राम अकाऊंटवरून हा व्हिडिओ शेअर करण्यात आला असून यावर नेटकऱ्यांनी विनोदी प्रतिक्रिया व्यक्त केल्या आहेत. तर काही नेटकऱ्यांनी यावर संतप्त प्रतिक्रिया व्यक्त करत कारवाईची मागणी केली आहे.

सदर दुचाकी चालक मुस्लीम असल्याचा दावा नेटकऱ्यांनी केला आहे. "या काकाची चुकी नाही, ही तर देवाची देण आहे, मोदी है तो मुमकीन है" अशा विनोदी कमेंट नेटकऱ्यांनी केल्या आहेत.