Viral : एकाच ठिकाणी अनेकदा कोसळली वीज, झाडाला लागली आग; थरारक Video

सध्या मान्सूनच्या पावसाला राज्यात सुरूवात झाली असून लांबलेल्या पावसाने अखेर हजेरी लावल्यामुळे शेतकऱ्यांचा प्रश्न मार्गी लागला आहे. तर काही ठिकाणी वादळी वाऱ्यांसह मुसळधार पाऊस बरसत आहे. काही भागांत विजांच्या कडाकडाटासह पाऊस पडत असून झाडे उन्मळून पडत आहेत. त्यामुळे मोठे नुकसानही झाले आहे.

सोशल मीडियावर सध्या वीज कडाडतानाचा व्हिडिओ व्हायरल झाला आहे. त्यामध्ये एकाच ठिकाणी सहा ते सात वेळा वीज पडत असून हा थरारक व्हिडिओ समोर आला आहे. वीज पडल्यानंतर खाली असलेल्या झाडाला आग लागल्याचं दिसत आहे. घटनास्थळापासून दूर असलेल्या इमारतीवरून हा व्हिडिओ शूट करण्यात आला आहे.

दरम्यान, हा व्हिडिओ अनेकांनी शेअर केला असून त्यावर आपल्या प्रतिक्रिया व्यक्त केल्या आहेत. सहसा करून एखाद्या झाडावर वीज कोसळत असते. त्यामुळे पाऊस सुरू असताना झाडांचा आसरा घेऊ नये असा इशारा अनेकदा दिला जातो. वीज कोसळून अनेक शेतकऱ्यांचा मृत्यू झाल्याच्या बातम्याही पावसाळ्यात ऐकायला येतात त्यामुळे पाऊस सुरू असताना काळजी घेतली पाहिजे.