Viral Video : उघड्या डिक्कीत खेळणारी मुलं अन् सुसाट कार!

हैद्राबाद : तेलंगणातील रस्त्यावरील एक व्हिडिओ सध्या व्हायरल होत असून एका गाडीच्या मागच्या डिक्कीत तीन मुले बसले असल्याचं आपल्याला दिसत आहे. दरम्यान, ही मुले पाठीमागे बसून खेळताना आपल्याला दिसत आहेत. तर पालक आपल्या मुलांबाबत एवढे बेजबाबदार कसे असू शकतात असा सवाल निर्माण होत आहे.

(Open Car Dikki Playing Children Telangana Viral Video )

दरम्यान, व्हायरल होत असलेल्या व्हिडिओमध्ये तीन मुले गाडीच्या डिक्कीत बसून खेळताना दिसत आहेत. तर ही गाडी रस्त्याने सुसाट वेगाने जाताना आपल्याला दिसत आहे. नेटकऱ्यांनी हा व्हिडिओ प्रचंड शेअर केला असून गाडी मालकावर टीका केली जात आहे. त्याचबरोबर गाडीच्या मालकावर गुन्हा दाखल करण्याची मागणी करण्यात येत आहे.

प्रत्येक पालकाने आपल्या मुलांबाबत सतर्क राहायला पाहिजे. व्हायरल होत असलेल्या व्हिडिओमधील एखाद्या मुलाने खाली उडी मारली तर काय होईल असाही सवाल नेटकऱ्यांनी उपस्थित केला आहे. त्यामुळे असे स्टंट करणे जिवावर बेतू शकते याची पालकांना काळजी घेतली पाहिजे.