'आता पृथ्वी सोडायची वेळ आलीये'; ओरियो बिस्कीटचे भजे पाहून नेटकरी संतापले | Orio Biscute Pakode

लोकं काय करतील याचा नेम नाही. चॉकलेच पिझ्झा, केळी पिझ्झा, आमरस पाणीपुरी, चॉकलेट वडापाव, आईस्क्रीम डोसा, आईस्क्रीम पाणी पुरी असे अनेक वेगवेगळ्या प्रकारचे फु़ड कॉम्बिनेशन आपण पाहिले असतील. पण सध्या सोशल मीडियावर एक नवीन फूड कॉम्बिनेशनचा व्हिडिओ सोशल मीडियावर व्हायरल झाला आहे.

व्हायरल होत असलेल्या व्हिडिओमध्ये ओरियो बिस्कीटला बेसनपिठामध्ये बुडवून त्याचे भजे तळल्याचं दिसत आहे. तर हे फूड कॉम्बिनेशन पाहून आपल्याला धक्का बसेल. तर या भज्यांची चव कशी असेल असा प्रश्न आपल्याला पडला असेल. या व्हिडिओवर अनेक नेटकऱ्यांनी मजेशीर कमेंट केल्या आहेत.

दरम्यान, 'लोकं काय करतील त्याचा नेम नाही', 'आता पृथ्वी सोडायची वेळ आलीये' अशा वेगवेगळ्या मजेशीर कमेंट नेटकऱ्यांनी केल्या आहेत. तर हा व्हिडिओ सोशल मीडियावर चांगलाच व्हायरल झाला आहे. अनेकांनी हा व्हिडिओ शेअर केला आहे.