Video Viral : पुण्यातील रस्त्यावर थुंकणाऱ्याला महापालिकेने घ्यायला लावलं पुसून

पुणे : पुण्यात होणाऱ्या G20 परिषदेसाठी महापालिकेने जय्यत तयारी सुरू केली असून रस्ते, फुटपाथ, खांबांची रंगरंगोटी केली जात आहे. तर दुभाजकांवर फुलांच्या झाडाची लागवड केली गेली आहे. तसेच मोक्याच्या ठिकाणी महागड्या वस्तू वापरून आकर्षक सजावट केली जात आहे.

हेही वाचा - सूर्यकुमार...भारतीय क्रिकेट मधला 'लंबी रेस का...'

दरम्यान, एवढ्या सजावटीत एखादा रस्त्यावर थुंकला तर त्याला स्वत:लाच ते पुसून घ्यावे लागत आहे. महापालिका प्रशासनाने आता रस्त्यावर थुंकणाऱ्यांवर कडक कारवाईला सुरूवात केली असून रस्त्यावरील घाण थुंकणाऱ्यांकडून साफ करून घेतली जात आहे. महापालिकेने यासंदर्भातील व्हिडिओ शेअर केला आहे.

दरम्यान, महापालिकेने ट्वीटरवर शेअर केलेल्या व्हिडिओमध्ये एक व्यक्ती रस्त्यावर थुंकलेली घाण साफ करताना दिसत आहे. तर हा व्हिडिओ महापालिकेच्या अधिकृत ट्वीटरवरून हा व्हिडिओ पोस्ट केला आहे.

"परिषद व स्वच्छ सर्वेक्षण २०२३ निमित्त मुख्य रस्ते, फूटपाथ व दुभाजकांवर थुंकणाऱ्या नागरिकांवर दंडात्मक कारवाई करण्यात येत आहे. याअंतर्गत पुणे विद्यापीठ मार्गावर एका नगरिकावर कारवाई करून त्यांनी केलेली घाण त्यांच्याद्वारे स्वच्छ करण्यात आली." असं कॅप्शन या व्हिडिओवर आहे.