Video Viral : रणांगणावर गेंडा अन् हत्ती आले आमनेसामने; भयंकर युद्ध, थरारक व्हिडिओ

आपण जंगली सफारीला गेला असाल तर वाघ, हत्ती यांसारखे जंगली प्राणी पाहिले असतील. अनेकदा सफारीला जाऊनही प्राण्यांचे दर्श होत नाही. पण जंगली प्राणी एकमेकांवर हल्ला करताना किंवा भांडताना आपण कधी पाहिलं आहे का? सध्या असाच एक व्हिडिओ सोशल मीडियावर व्हायरल झाला आहे.

वन अधिकारी साकेत बाडोला यांनी हा व्हिडिओ ट्वीटरवर शेअर केला असून त्यामध्ये एक हत्ती आणि गेंड्याचे भांडण दिसत आहे. गेंडा हा महाकाय असलेल्या हत्तीला टक्कर देण्यासाठी रणांगणावर दंड थोपटून उभा असलेला आपल्याला दिसत आहे. तर हत्ती पुढे आला तरी तो न घाबरता हत्तीवर चाल करून जाण्यासाठी सज्ज आहे.

दरम्यान, हत्तीने हल्ला केला आणि गेंडा खाली पडला. हत्तीने गेंड्यावर त्याच्या सोंडेने हल्ला केल्यावर गेंड्याची चांगलीच धांदल उडाली. त्यानंतर त्याने तेथून पळ काढल्याचं व्हिडिओमध्ये दिसत आहे. हा व्हिडिओ सध्या सोशल मीडियावर चांगलाच व्हायरल झाला आहे. तर अनेकांनी त्यावर आपल्या प्रतिक्रिया व्यक्त केल्या आहेत.