Viral Video : चुकीच्या गोष्टी आपल्यापर्यंत अशा पोहचतात; मुलांनी शिकवलाय धडा

समाजात काही चुकीच्या गोष्टी कशा पसरतात माहितीये का? खूप वेळा एखादी गोष्ट चुकीच्या पद्धतीने आपल्यापर्यंत पोहोचत असतात. तर अनेकवेळा अशा अपूर्ण अज्ञानामुळे मोठमोठे संकटं येत असतात. तर हे अपूर्ण ज्ञान एकापासून दुसऱ्याकडे कसं पास होतं याबद्दल या विद्यार्थ्यांच्या खेळाने चांगलंच समजून सांगितलं आहे.

हेही वाचा - प्राचीन काळातली शस्त्रनिर्मिती कला....

अनेक आयटी कंपनीत असा खेळ खेळला जातो. एकाने कोणतंही वाक्य न बोलता दुसऱ्याला ती अॅक्शन करून दाखवायची आणि त्याने ती पुढच्या व्यक्तीला करून दाखवायची. असं करत करत शेवटच्या व्यक्तीपर्यंत ती अॅक्शन पूर्णपणे बदललेली असते. असाच या मुलांचा व्हिडिओ असून तो सोशल मीडियावर चांगलाच व्हायरल झाला आहे.

दरम्यान, या मुलांच्या डोळ्याला पट्टी बांधली असून त्यांनी आपल्या डोक्यावर प्लेट्स ठेवल्या आहेत. समोर बसलेल्या मुलाच्या प्लेटमध्ये पीठ टाकलं आहे. ते पीठ त्याने मागच्या मुलाच्या प्लेटमध्ये टाकायचं आहे पण शेवटच्या मुलापर्यंत हे पीठ पोहोचत नाही. अशाच प्रकारे चुकीच्या गोष्टी पसरवल्या जातात असं मत नेटकऱ्यांनी व्यक्त केलं आहे.