Sikh Helmet : शीख महिलेने मुलांसाठी स्वत:च डिझाईन केलं स्पेशल 'शीख हेल्मेट', Video Viral

आपल्या मुलांना टोपीमुळे नीट हेल्मेट घालता येत नसल्याने एका शीख महिलेने आपल्या स्पेशल शीख हेल्मेटची निर्मीती केली आहे. हे हेल्मेट कसं आहे, त्याचा आकार कसा आहे, त्याचं डिझाईन कसं आहे आणि ते कसं सुचलं हे सदर महिलेने सांगितलं असून त्याचा व्हिडिओ व्हायरल झाला आहे.

हेही वाचा - प्राचीन काळातली शस्त्रनिर्मिती कला....

व्हायरल झालेल्या व्हिडिओमध्ये सदर महिला आपण तयार केलेलं हेल्मेट दाखवत आहे. लहान मुलं सायकल खेळायला गेल्यावर अनेकवेळा पडत असतात. तर त्यांना हेल्मेट असणं गरजेचं असतं. त्यांच्या डोक्यावर शीख पगडी असल्यामुळे साध्या डिझाईनचे हेल्मेट घालता येत नाहीत त्यामुळे मला ही कल्पना सुचली असं ती व्हिडिओमध्ये सांगत आहे.

लहान मुलांच्या सुरक्षेसाठी आणि पगडी घातली असतानाही त्यांना ईजा होऊ नये यासाठी या महिलेने हा शोध लावला आहे. या हेल्मेटची डिझाईनसुद्धा तशीच बनवली असून हा व्हिडिओ प्रसारमाध्यमांमध्ये व्हायरल होत आहे. तर अनेकांनी या व्हिडओवर आपल्या प्रतिक्रिया व्यक्त केल्या आहेत.