मारहाण करत तरूणावर दिवसाढवळ्या गोळीबार; घटनेचा थरारक Video Viral

सध्या सोशल मीडियावर एक व्हिडिओ व्हायरल झाला असून त्यामध्ये एका तरूणावर गोळीबार करण्यात आल्याचं दिसत आहे. पहिल्यांदा एक व्यक्ती एका तरूणाला येत मारहाण करतो आणि त्यानंतर दुसरा व्यक्ती त्याच्यावर गोळीबार करताना दिसत आहे. सध्या हा व्हिडिओ सोशल मिडियावर व्हायरल झाला आहे.

व्हायरल होत असलेल्या व्हिडिओमध्ये एक व्यक्ती उभा असलेल्या तरूणाला मारहाण करतो. त्याच्या हातात मोठी काठी असून त्यानंतर त्याच्यापाठीमागून एकजण धावत येताना आपल्याला दिसत आहे. धावत आलेला व्यक्ती तरूणाच्या पोटात गोळी मारताना दिसत आहे. हा व्हिडिओ उत्तरप्रदेशमधील मैनपुरी येथील असल्याचं दिसत आहे.

दरम्यान, हा व्हिडिओ व्हायरल झाल्यानंतर नेटकऱ्यांनी संताप व्यक्त केला असून उत्तरप्रदेश सरकारवर ताशेरे ओढले आहेत. तेथील मुख्यमंत्री योगी आदित्यनाथ सुरक्षावर भाषणे ठोकतात पण इथे दिवसाढवळ्या गोळीबार केला जातोय अशा प्रतिक्रिया नेटकऱ्यांनी व्यक्त केल्या आहेत.