Viral Video: नाद खुळा! ही पोरगी घालतेय चक्क सापांना आंघोळ

सोशल मीडियावर हल्ली विविध विषयावरचे वेगवेगळे व्हिडिओज व्हायरल होत असतात. एखाद्याने सापाचा नुसता व्हिडिओ जरी बघितला तरी अंगाला शहारे सुटतात. मात्र व्हायरल झालेल्या व्हिडिओतील मुलीने कहरच केलाय. व्हिडिओतील मुलगी तुम्हाला चक्क सापांची अंघोळ घालताना दिसेल.

सापाला हात लावत त्याच्या जवळ जात त्यांचा लाड करणाऱ्या मुलीचं नेटकऱ्यांना खरंच आश्चर्य वाटतंय. सापाला घाबरणाऱ्या लोकांना तर अक्षरश: घाम फुटेल असा हा चकीत करणारा व्हिडिओ आहे. हा व्हिडिओ बघणाऱ्या अनेकांच्या प्रतिक्रिया या व्हिडिओवर उमटल्या आहेत. व्हिडिओमध्ये दिसणारी मुलगी आधी पाईपने फरशीवर पाणी टाकते आणि नंतर ब्रशने आधी फरशी साफ करत नंतर सापांना हात लावत त्यांचा लाड करताना दिसते. या व्हिडिओला बघणाऱ्यांच्या चक्क भूवया उंचावतील असा हा व्हिडिओ आहे.

एका नेटकऱ्याने तर व्हिडिओतील सापांचे विष काढले असावे असे लिहीले आहे, तर एकाने हा व्हिडिओमधील साप आनंदी असावे म्हणून शांत आहेत असेही लिहीले आहे. रेडीट या सोशल मीडिया प्लॅटफॉर्मवरून शेअर करण्यात आलेला हा व्हिडिओ सोशल मीडियावर भन्नाट व्हायरल होतोय.