Video : धबधब्याला अचानक पूर आला अन् होत्याचं नव्हतं झालं! 6 तरुणी गेल्या वाहून, पुढे जे झालं....; पाहा धडकी भरवणारा व्हिडीओ

Viral Video : बिहारमधील गयाजी जिल्ह्यातील इमामगंज ब्लॉक परिसरात एक हृदयद्रावक घटना घडली. लंगुरही टेकडीजवळील धबधब्याला अचानक पूर आल्याने तिथे सहलीला गेलेल्या सहा मुली पुराच्या पाण्यात वाहून गेल्या. धबधब्याच्या अचानक वाढलेल्या पाण्यामुळे काही क्षणांतच परिसरात गोंधळाचे वातावरण निर्माण झाले.

पूराच्या पाण्याचा वेग इतका जबरदस्त होता की कोणालाही काही सुचण्याआधीच मुली पाण्याच्या प्रवाहात वाहत गेल्या. मात्र, घटनास्थळी उपस्थित असलेल्या काही तरुणांनी मोठे धाडस दाखवत कोणतीही पर्वा न करता तात्काळ मदतीसाठी पुढे गेले. त्यांनी धबधब्याच्या जोरदार प्रवाहात जाऊन त्या मुलींना बाहेर काढण्याचा शर्थीने प्रयत्न केला आणि अखेरीस सर्व मुलींना सुखरूप वाचवण्यात यश मिळाले.

या घटनेत एका मुलीला धबधब्याच्या प्रवाहात वाहत असताना डोंगरावरून वाहत आलेल्या दगडाने जोरदार धक्का बसला. त्यामुळे ती जखमी झाली असून तिच्यावर सध्या उपचार सुरू आहेत. सुदैवाने इतर सर्व मुली सुरक्षित आहेत आणि त्यांना मोठा धक्का बसला असला तरी त्यांचे प्राण वाचले आहेत.

या घटनेमुळे स्थानिक प्रशासनालाही सतर्क व्हावे लागले आहे. धबधब्यांसारख्या पर्यटन स्थळी सुरक्षेची अधिक आवश्यकता आहे, याची जाणीव या घटनेतून पुन्हा एकदा झाली आहे. वेळेवर मदत करणाऱ्या तरुणांचे स्थानिक नागरिक आणि प्रशासनाने कौतुक केले आहे.