Viral Video : शेवटी आईच ती! पिल्लांना खायला दिल्याचं मानलं असं आभार; व्हिडिओ पाहून डोळे पाणावतील

आई ही शेवटी आईच असते. आईची जागा जगातील कोणतीच व्यक्ती घेऊ शकत नाही. ती आपल्या लेकरांना किंवा तिच्या पिल्लांना वाढवण्यासाठी ती काहीही करू शकते. आपल्या पोटाला चिमटा काढून प्रत्येक आई लेकरांना खाऊ घालत असते. तर सध्या असाच एक व्हिडिओ सोशल मीडियावर व्हायरल झाला आहे.

व्हायरल होत असलेल्या व्हिडिओमध्ये एक महिला कुत्र्याच्या पिल्लाला अन्न खाऊ घालत आहे. तर हे पाहून त्या पिल्लांची आई भावनिक होते आणि महिलेच्या हातात पुढचा पाय देण्याचा प्रयत्न करते. त्यानंतर या महिलेने कुत्र्याला कुरवाळलं आहे. पण आपल्या पिल्लांना एका व्यक्तीने खायला दिल्याचं समाधान त्या आईच्या चेहऱ्यावर स्पष्ट दिसत होतं.

दरम्यान, "ही पण एक आईच आहे, तिला पण आपल्या पिल्लांची काळजी असते. ती आपल्या पिल्लांसाठी काहीपण करू शकते" अशा कमेंट नेटकऱ्यांनी या व्हिडिओवर केल्या आहेत. तर अनेकांनी हा व्हिडिओ शेअर केला आहे. हा व्हिडिओ पाहून आपलेही डोळे पाणावल्याशिवाय राहणार नाही.