'स्वत:ला योगी म्हणवता पण योगा करता येईना'; 'त्या' व्हिडिओवरून योगी आदित्यनाथ ट्रोल | Viral Video

उत्तरप्रदेशचे मुख्यमंत्री योगी आदित्यनाथ हे कोणत्या ना कोणत्या कारणावरून कायम चर्चेत असतात. त्यांचे वक्तव्य आणि एखाद्या प्रकरणात केलेली थेट कारवाई देशात चर्चेचा विषय ठरतो. पण सध्या त्यांचा एक व्हिडिओ सोशल मीडियावर चांगलाच व्हायरल झाला आहे.

त्यामध्ये ते योगा करताना दिसत असून त्यांच्या पाठीमागे अनेक लोकांची गर्दी असून लोकंही योगासने करत आहेत. या व्हिडिओवरून नेटकऱ्यांनी योगींना चांगलंच ट्रोल केलं आहे.

व्हायरल होत असलेला व्हिडिओ हा योगा दिनाचा आहे. योगा-डे च्या दिवशी सर्वजण योगासने करत असतात. तर योगाबद्दल जनजागृतीसाठी वेगवेगळे उपक्रम राबवत असतात. त्याप्रमाणे योगी आदित्यनाथ यांनीसुद्धा योगा केला पण एका क्षणाला त्यांना एका पायावर उभे राहण्यासाठी बराच प्रयत्न करावा लगाला. हा व्हिडिओ व्हायरल झाला आहे.

दरम्यान, एका पायावर उभे राहिल्यानंतर त्यांचा पाय परत खाली गेला आणि त्यांची चलबिचल झाली हे व्हिडिओमध्ये दिसत आहे. हा ९ सेकंदाचा व्हिडिओ नेटकऱ्यांनी ट्वीटरवर शेअर केला असून त्यावर योगी आदित्यनाथ यांना ट्रोल केलं आहे.

"स्वत:ला योगी म्हणवता पण योगा करता येत नाही" असं कॅप्शन टाकून हा व्हिडिओ शेअर करण्यात आला आहे. तर नेटकऱ्यांनी या व्हिडिओवर आपल्या प्रतिक्रिया व्यक्त केल्या आहेत.