Viral Video : सायकलवाला चाय! दिवसा अभ्यास, रात्री चहा विकणे; तरूणाचा प्रेरणादायी संघर्ष

सोशल मीडियावर अनेक प्रेरणादायी व्हिडिओ व्हायरल होत असतात. त्यातील अनेक व्हिडिओ आपल्याला शिकवून जात असतात. असाच एक व्हिडिओ सध्या व्हायरल होत आहे. त्यामध्ये एक महाविद्यालयीन मुलगा सायकलवर चहा घेऊन जात आहे. सायकलवाला चाय असं पोस्टर त्याने लावलेलं यामध्ये दिसत आहे.

हेही वाचा - Love Jihad: प्रेमाला धर्म आहे...?

व्हायरल होत असलेल्या व्हिडिओमध्ये एक तरूण सायकलवर चहा विकताना दिसत आहे. तर त्याचे 'सायकल वाली चाय' हे पोस्टर सध्या चांगलंच चर्चेत आहे. गोविंद गुर्जर यांनी आपल्या ट्वीटर अकाउंटवरून हा व्हिडिओ शेअर केला आहे. मध्यप्रदेशमधील इंदौरमधील हा व्हिडिओ असल्याचं त्यांनी सांगितलं आहे.

दरम्यान, अजय हा आदिवासी आहे. तो दिवसा अभ्यास करतो आणि रात्री चहा विकतो कारण त्याच्या शिक्षणाचा, राहण्याखाण्याचा खर्च भागू शकेल. जर अजय भविष्यात मोठा व्यक्ती बनला तर हा व्हिडिओ त्याच्या संघर्षाचा मोठा पुरावा असेल असं गुर्जर यांनी आपल्या ट्वीटमध्ये लिहिलं आहे. हा व्हिडिओ सध्या सोशल मीडियावर चांगलाच व्हायरल होत आहे.