Viral Video : बुलेटवर बसून तरूणी करतेय पेट्रोलची नशा अन् क्षणात खाली...

आपण दारू पिणारे अनेक लोकं पाहिले असतील. काही लोकांनी खोकल्याचं औषध पिण्याचं तर काही लोकांनी झंडू बाम खाण्याचं व्यसन जडलेलं असतं. गुटखा, तंबाखू, ड्रग्जच्या व्यसनामध्ये गुंग झालेले तरूण तरूणी आपल्याला खूप मिळतील पण एखाद्याला पेट्रोलचा नशा असलेलं आपण कधी पाहिलंय का?

हेही वाचा - आर्थिक निर्णय घेताना बनू नका चिंतातूर जंतू....

सध्या सोशल मीडियावर एका तरूणीचा व्हिडिओ व्हायरल होत आहे. त्यामध्ये एक तरूणी बुलेटवर बसून पेट्रोलचा वास घेत आहे. तर वास घेतल्यानंतर मागे झुकते आणि गाडी खाली पडते. गाडी खाली पडल्या पडल्या पेट्रोलच्या उघड्या टाकीतून पेट्रोल खाली सांडते. हा व्हिडिओ सध्या सोशल मीडियावर चांगलाच व्हायरल झाला आहे.

दरम्यान, मुलीने केलेले व्यसन पाहून तुम्हालाही धक्का बसेल. तर असं कोणतं व्यसन असतं का? असा सवाल नेटकऱ्यांकडून उपस्थित केला जात आहे. इंस्टाग्रामवर शेअर केलेल्या या व्हिडिओला ५ लाख ४२ हजार लोकांनी लाईक केलं असून अनेकांनी या व्हिडिओवर आपल्या मजेशीर कमेंट केल्या आहेत. तर अनेकांनी या तरूणीला ट्रोल केलं आहे.