अजगराला किस करणं तरूणीला पडलं महागात! अंगावर काटा आणणारा Video Viral

सोशल मीडियावर अनेक व्हिडिओ व्हायरल होत असतात. काही व्हिडिओ पाहून आपली झोप उडते. नसतं धाडस किती महागात पडू शकते याचे अनेक व्हिडिओ आपण पाहिले असतील पण सध्या एका तरूणीचा व्हिडिओ सोशल मीडियावर व्हायरल झाला आहे. त्यामध्ये ही तरूणी अजगराला किस करण्याचा प्रयत्न करत असताना दुर्घटना घडली आहे.

व्हायरल होत असलेल्या व्हिडिओमध्ये एक तरूणी अजगराला किस करण्यासाठी प्रयत्न करते पण अजगरच तिच्या तोंडाला पकडते आणि चावा घेते. अजगराने पकडल्यानंतर मोठा गोंधळ उडाल्याचं दिसत आहे. या तरूणीला तोंडातून आवाजही काढता येत नाही. तर ज्या कर्मचाऱ्यांनी अजगराला पकडलं आहे ते कर्मचारी या अजगराला बाजूला करण्याचा प्रयत्न करत आहेत पण अजगराने जोरात पकडल्यामुळे तरूणीची लवकर सुटका झाली नाही.

दरम्यान, सोशल मीडियावर हा व्हिडिओ व्हायरल झाला असून अनेकांनी या व्हिडिओला पसंती दर्शवली आहे. इंस्टाग्रामवर शेअर करण्यात आलेल्या या व्हिडिओला आत्तापर्यंत १२ लाखांपेक्षा अधिक नेटकऱ्यांनी पसंती दर्शवली असून अनेकांनी त्यावर आपल्या प्रतिक्रिया व्यक्त केल्या आहेत.

"एवढं धाडस करण्याची काही गरज होती का?, ती किस करायला गेली पण तिला थेट लव बाईटच मिळाला, हा किस या तरूणीला आयुष्यभर लक्षात राहील" अशा विनोदी कमेंट नेटकऱ्यांनी या व्हिडिओवर केल्या आहेत. पण जे प्राणी हल्ला करू शकतात अशा प्राण्यांसमोर नसता धाडस करू नये.