- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
नवी दिल्ली : Union Budget 2021 : केंद्रीय अर्थमंत्री निर्मला सीतारमण यांनी आज (दि.1) संसदेत वर्ष 2021-22 चा अर्थसंकल्प सादर केला आहे. या अर्थसंकल्पावर आता प्रतिक्रिया येण्यास सुरुवात झाली आहे. काँग्रेसने अपेक्षेप्रमाणे मोदी सरकारवर निशाणा साधला आहे. अर्थमंत्री सीतारमण यांच्या भाषणात जीडीपी 37 महिन्यांच्या विक्रमी घसरणीचा उल्लेख नाही तसेच त्यांनी अर्थव्यवस्थेच्या गतीवर लक्ष दिले नसल्याचा दावा काँग्रेसने केला आहे.
काँग्रेसचे प्रवक्ते मनीष तिवारी यांनी आपल्या टि्वटमध्ये म्हटले की, अर्थमंत्र्यांच्या भाषणात याचा काहीच उल्लेख नाही. जीडीपीमध्ये 37 महिन्यांची घसरण झाली आहे. 1991 नंतरचे हे सर्वात मोठे संकट आहे. देशाची बहुमूल्य संपत्ती विकण्याशिवाय अर्थसंकल्पात विशेष लक्ष दिलेले नाही. अर्थव्यवस्थेला पुढे नेऊ नका, फक्त देशाची बहुमूल्य संपत्ती विका, असा टोलाही तिवारी यांनी लगावला.
निर्मला सीतारमण यांनी सादर केलेल्या अर्थसंकल्पात देशाच्या पायाभूत सुविधा निर्मितीवर भर दिला आहे. सार्वजनिक वाहतूक व्यवस्थेसाठी 18 हजार कोटी रुपयांची तरतूद करण्यात आली आहे. देशात मार्च 2022 पर्यंत 8 हजार 500 किलोमीटर महामार्ग उभारणार आहे. खासगी गाड्यांची फिटनेस टेस्ट आता 20 वर्षांनंतर करण्यात येणार आहे. तसेच माल वाहतूक गाड्यांची फिटनेस टेस्ट 15 वर्षांनंतर करण्यात येईल. पश्चिम बंगालमधील निवडणुकीच्या पार्श्वभूमीवर राज्यातील 675 किलोमीटर महामार्ग निर्मितीली मंजुरी देण्यात आली आहे. वायू प्रदूषणाचे आव्हान मोडून काढण्यासाठी 2 हजार 217 कोटी रुपये देण्यात आले आहे.
रेल्वे विभागासाठी 10 हजार 55 कोटी रुपयांची भरीव तरतूद करण्यात आली आहे. रेल्वे डेडिकेटेड फ्रेट कॉरिडोर, एनएचएआयचे टोल रोड, एअरपोर्ट संसाधनांना असेट मॉनेटायझेशन मॅनेजमेंटच्या अखत्यारित आणण्यात येईल. यंदा शेतीसाठी 16.5 लाख कोटी रुपयांची तरतूद केली आहे. शेतीसाठी जी तरतूद केली त्यात गावागावातील बाजारपेठा आणि शहरांशी जोडले जाणार आहे.
Edited By - Prashant Patil
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.