नाशिकमध्ये सेट परीक्षेला ३ हजार ६२२ परीक्षार्थ्यांची दांडी

नाशिक : सावित्रीबाई फुले पुणे विद्यापीठातर्फे महाराष्ट्र व गोवा येथे सेट परीक्षेचे संयोजन केले जाते. प्रारंभी जाहीर केलेल्‍या वेळापत्रकानुसार २८ जूनला सेट परीक्षा होणार होती. मात्र कोरोनाच्‍या प्रादुर्भावामुळे ही परीक्षा वेळापत्रकानुसार होऊ शकली नव्‍हती. अखेर रविवारी (ता.२७) ही परीक्षा घेण्यात आली. 

अठरा केंद्रांवर ४ हजार ९४६ उमेदवारांची हजेरी

अधिव्‍याख्यातापदासाठी रविवारी (ता.२७) झालेल्‍या राज्‍य पात्रता परीक्षा (सेट) परीक्षेसाठी ८ हजार ५६८ परीक्षार्थ्यांनी नोंदणी केली होती. यापैकी तब्‍बल ३ हजार ६२२ परीक्षार्थ्यांनी परीक्षेला दांडी मारली. तर ४ हजार ९४६ उमेदवार या परीक्षेला सामोरे गेले. दरम्‍यान विशेष विषयाशी निगडीत असलेल्‍या पेपर क्रमांक दोनने चांगलाच घाम फोडल्‍याची प्रतिक्रीया विद्यार्थ्यांनी दिली. 

हेही वाचा - कुस्तीचे स्वप्न बघणारं शरीर आजाराने ग्रासलं; पक्षीप्रेमाने दिली जगण्याची उमेद अन् उंच भरारी

पेपर दोनने फोडला घाम 

परीक्षेत समान्‍यज्ञान व अन्‍य मुद्यांवर आधारीत पेपर क्रमांक एक हा सर्व परीक्षार्थ्यांसाठी सारखाच होता. शंभर गुणांकरीता पन्नास बहुपर्यायी वस्‍तुनिष्ठ प्रश्‍न या पेपरमध्ये विचारले गेले. यंदा हा पेपर सोपा गेल्‍याचे बहुतांश उमेदवारांनी सांगितले. मात्र विद्यार्थ्यांच्‍या पदव्‍युत्तर पदवी अभ्यासक्रमावर आधारीत असलेला पेपर क्रमांक दोन हा तुलनेने कठीण गेल्‍याची प्रतिक्रीया विद्यार्थ्यांनी दिली. या पेपरमध्ये दोनशे गुणांसाठी शंभर बहुपर्यायी वस्‍तुनिष्ठ प्रश्‍न विचारले गेले. दरम्‍यान कोरोनाच्‍या पार्श्वभुमिवर उमेदवारांना मास्‍क सक्‍तीचे केले होते. तर पाण्याची बाटली, सॅनिटायझन आणि पेन उमेदवारांनी स्‍वतःसोबत आणले होते. 

हेही वाचा - वडिलांसोबतची लेकीची 'ती' ड्राईव्ह शेवटचीच; पित्याचा ह्रदय पिळवटून टाकणारा आक्रोश