गोरगरीबांच्या राशनवर डल्ला मारणे भोवले; निफाड तालुक्यात ४९ दुकानांचे परवाने रद्द 

दीपक अहिरे
Friday, 25 December 2020

 गोरगरिबांच्या हक्काच्या रेशनवर डल्ला मारत भ्रष्टाचार करणाऱ्या निफाड तालुक्यातील रेशन दुकानदार प्रशासनाच्या रडारवर होते. अखेर महिनाभरापूर्वी तहसील कार्यालयाने त्यांच्यावर कारवाईचा बडगा उगारला. या वेळी तालुक्यातील काही रेशन दुकानदारांनी दुकान चालविण्यास अमर्थता दर्शवली होती. 

पिंपळगाव बसवंत (जि. नाशिक) : गोरगरिबांच्या हक्काच्या रेशनवर डल्ला मारत भ्रष्टाचार करणाऱ्या निफाड तालुक्यातील रेशन दुकानदार प्रशासनाच्या रडारवर होते. अखेर महिनाभरापूर्वी तहसील कार्यालयाने त्यांच्यावर कारवाईचा बडगा उगारला. या वेळी तालुक्यातील काही रेशन दुकानदारांनी दुकान चालविण्यास अमर्थता दर्शवली होती. 

कामकाजात अनियमितता, परवाना नूतनीकरण न करणे, भ्रष्टाचार यामुळे निफाड तालुक्यातील १५४ पैकी ४९ रेशन दुकानदारांचे परवाने रद्द करण्यात आले आहेत. या कारवाईनंतर काही रेशन दुकानादारांनी स्वत:हून परवाने जमा केले. परवाना रद्द झालेल्या गावांमध्ये लवकरच नवीन परवान्यासाठी प्रक्रिया राबविली जाणार आहे.

हेही वाचा - वडिलांसोबतची लेकीची 'ती' ड्राईव्ह शेवटचीच; पित्याचा ह्रदय पिळवटून टाकणारा आक्रोश

या गावांचा समावेश 

खानगाव नजीक, सारोळे खुर्द, डोंगरगाव, भरवस, पाचोरे, कानळद, काथरगाव, सुंदरपूर, कुरडगांव, भाऊसाहेबनगर, भुसे, करंजी खुर्द, नारायणगाव, दारणासांगवी, थेरगाव, ओणे, चाटोरी, सावळी, चेहेडी, लालपाडी, नागापूर, रेडगाव, कुंभारी, गोरठाण, साकोरे, नारायण टेंभी, पंचकेश्‍वर, कारसूळ, देवपूर, रौळस, दिंडोरी, कुंदेवाडी, ओझर, शिरसगाव, अंतरवेली आदी. 

हेही वाचा - जेव्हा पोटच्या गोळ्यांसह मातेचे मृतदेह दिसले पाण्यावर तरंगताना; शेतकऱ्यांना भरला थरकाप

निफाड तालुक्यातील ४९ रेशन दुकानांचे परवाने रद्द झाले आहेत. ते तत्काळ कार्यान्वित करण्यासाठी पालकमंत्री छगन भुजबळ यांच्याशी पत्रव्यवहार केला आहे. लवकरच ती कार्यान्वित होऊन गोरगरिबांना धान्य मिळू शकेल. 
-आमदार दिलीप बनकर 


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: 49 ration licenses canceled in Niphad taluka nashik marathi news