नाशिकच्या गुलाबी थंडीत हॅलिकॉप्टरने अचानक आमीर खानची एंट्री होते तेव्हा..! माधुरी दीक्षितही नाशिकमध्येच

aamir khan at nashik.jpg
aamir khan at nashik.jpg

नाशिक : रविवारी (ता.८) मिस्टर परफेक्शनिस्ट अर्थात आमीर खान अचानकपणे नाशिकमध्ये हेलिकॉप्टरने दाखल झाला. आणि अनेकांच्या भुवया उंचावल्या.  गंगापूर येथील फ्रावशी इंटरनॅशनल अकॅडमीच्या हेलिपॅडवर आमीर खान दाखल झाल्यानंतर त्याचे आगमन म्हणजे चर्चेचा विषय ठरला.

सिनेसृष्टीला भावतयं निसर्गरम्य नाशिक 

लॉकडाऊननंतर आता सिनेसृष्टीतील शुटींग सुरू करण्यात आले आहे. न नाशिकमध्ये वातावरण, निसर्गरम्य देखावे या भागात शुटिंग करण्यासाठी टीव्ही मालिका निर्मात्यांबरोबरच मोठ मोठ्या निर्मात्यांना नाशिक भावू लागले आहे. शुटिंगसाठी नाशिकला प्राधान्य देऊ लागले आहेत. रविवारी (ता.८) आमीर खानदेखील अचानकपणे हेलिकॉप्टरने दाखल झाला. आणि सर्वांच्या भुवया उंचावल्या. गंगापूर येथील फ्रावशी इंटरनॅशनल अकॅडमीच्या हेलिपॅडवर आमीर खान दाखल झाल्यानंतर अकॅडमीचे संचालक रतन लथ आणि शर्वरी लथ यांनी त्याचे स्वागत केले.

खिलाडी अक्षयनेही दिली होती भेट

दरम्यान दोन महिन्यांपूर्वीच बॉलिवूडचा खिलाडी अक्षय कुमार सुध्दा खासगी कामानिमित्त नाशिकला येऊन गेला होता.काही महिन्यांपूर्वी नाशिकला बॉलिवुडच्या अनेक दिग्गज सेलेब्रिटींचे आगमनाचे प्रमाण वाढल्याने हा सध्या चर्चेचा विषय ठरत आहे.

नाशिकच्या परिघात आमीरचा फेरफटका​

नाशिकमध्ये एका चित्रपटाचे काही सीन शूट करायचे असल्याने नाशिकमध्ये काही स्पाॅट्स पाहण्यासाठी आल्याचे आमीर खान यांनी त्यांना सांगितले. त्यानंतर अवघ्या पाच मिनिटांत ते गाडीने देवळाली कॅम्पसह महानगराच्या परिघातील काही स्थळे पाहण्यासाठी रवाना झाले. त्यानंतर दुपारी तीनच्या सुमारास ते पुन्हा हेलिपॅडवर येऊन हेलिकॉप्टरने मुंबईकडे रवाना झाले. रविवारच्या सकाळी मिस्टर परफेक्शनिस्ट अर्थात आमीर खानचे नाशिकमध्ये आगमन झाले. त्याला एका चित्रपटासाठी काही स्पॉट्स शोधायचे असल्याने नाशिकच्या परिघात ५-६ तास फेरफटका मारून आमीर खान दुपारी पुन्हा हेलिकॉप्टरने रवाना झाला.

धक-धक गर्लसुद्धा नाशिकमध्येच

सुत्रांच्या माहितीनुसार, काही दिवसांपासून माधुरी दीक्षितचे देखील नाशिकमध्ये शूटींग सुरु आहे. तिथेदेखील आमीर खानने काही काळ भेट दिल्याचे समजते.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com