दहा मिनिटांत एएसआय झाले थेट पीआय! आगळ्या-वेगळ्या सोहळ्याची पोलिस दलात चर्चा

नाशिक : अन् ते एएसआय झाले थेट पीआय! निवृत्ती सोहळ्याच्या दिवशी मिळाला पीआय म्हणून होण्याचा बहुमान मिळताच त्यांना गगनच ठेंगणं झालं. आगळावेगळा स्वप्नपूर्तीचा हा निवृत्ती सोहळा अलगद उपस्थितीचे डोळ पाणावून गेला...

स्वप्नपूर्तीचा निवृत्ती सोहळा... 

शिक्षण करुन कुठंतरी छान पगाराची नोकरी मिळवावी. मग ती सरकारी असो वा निमसरकारी. मात्र स्वप्न प्रत्येकाचेच असता. काहीजण चांगल्या पगाराची नोकरी मिळवून प्रामाणिकपणे काम करत राहता. त्यातच नोकरीतील बढती म्हणजे कर्मचाऱ्यास आनंदाचा क्षण असतो. नोकरीच्या कार्यकाळात आपले कर्तव्य बजावतांना कार्यकर्तृत्वावर पदे मिळत जातात. अनेकदा ते शक्य होतेच असे नाही. मात्र इच्छेला मरण नसते. मनात ते नेहमी कुठेतरी असतेच. मुंबई नाका पोलिस ठाण्यातील वरिष्ठ अधिकाऱ्यांनी कर्मचाऱ्याची हीच भावना ओळखून सहायक उपनिरीक्षकास (एएसआय) थेट वरिष्ठ निरीक्षक (पीआय) पदाचा कार्यभार सोपवला. अर्थात, दहा मिनिटांसाठी का होईना, स्वप्नपूर्तीचा हा निवृत्ती सोहळा अलगद उपस्थितीचे डोळ पाणावून गेला.

हीच ती कामाची पोच पावती

मुंबई नाका पोलिस ठाण्यातील सहाय्यक उपनिरीक्षक रमेश पगार यांचा सेवानिवृत्त सोहळा होता. पोलिस दलात तब्बल ३२ वर्षांची सेवा देतांना त्यांनी शहर विविध ठाण्यात उत्कृष्ट कामगिरी बजावली. शिस्तप्रिय असल्याने त्यांचा दबदबा तेवढा होताही. त्यांचा निवृत्ती सोहळा जरा हटक्या पद्धतीने साजरा झाला. वरिष्ठ निरीक्षक विजय ढमाळ यांनी दहा मिनिटांसाठी पोलिस निरीक्षक पदाच्या खुर्चीचा पदभार पगार यांना देत त्यांना पुढील वाटचालीस शुभेच्छा दिल्या. यावेळी पगार यांना गहिवरून आले. हीच ती कामाची पावती म्हणून त्यांना अश्रू अनावर झाले. वरिष्ठ आणि सहकाऱ्यांमुळे प्रदीर्घ सेवा दिल्याचे पगार यांनी सांगितले. 

हेही वाचा > शेडनेट पंजाच्या सहाय्याने फाडून आत शिरण्यात बिबट्या अयशस्वी; तरीही डाव साधलाच

या सोहळ्यानंतर पगार दाम्पंत्यास वरिष्ठ पोलिस निरीक्षकांच्या वाहनातून घरी सोडण्यात आले. या आगळ्या-वेगळ्या सोहळ्याची पोलिस दलात चर्चा असून, ही सकारात्मक बाब असल्याचे पोलिस कर्मचाऱ्यांनी सांगितले.

हेही वाचा > समाजकंटकाचेच षड्यंत्र! वाळलेले कांदारोप बघून शेतकऱ्याला धक्काच; अखेर संशय खरा ठरला